5 Mart – Bədən Tərbiyəsi və İdman Günü ilə əlaqədar Gəncə şəhər 29 nömrəli tam orta məktəbdə tədbir keçirilib

Tədbirdə Şəhid ailələri, Gəncə-Daşkəsən Regional Təhsil İdarəsinin müdiri Anar Qədiməliyev, Azərbaycan Təhsil İşçiləri Azad Həmkarlar İttifaqı Gəncə şəhər komitəsinin sədri Bayram Hacıyev, Azərbaycanın sərbəst güləş üzrə məşqçisi, SSRİ əməkdar məşqçisi və əməkdar idman ustası, Azərbaycan Respublikasının əməkdar bədən tərbiyəsi və idman xadimi Elçin Zeynalov, GDRTİ-nin əməkdaşları, idman və şahmat məktəblərinin direktorları, müəllimlər vəşagirdlər iştirak ediblər. 

Mubarizciler.az xəbər verir ki, Tədbir Azərbaycanın ərazi bütövlüyü uğrunda mübarizədə canlarını qurban vermiş şəhidlərin xatirəsinin bir dəqiqəlik sükutla yad edilməsi ilə başlayıb.

Əvvəlcə məktəbin həyətində şagirdlərin tədimatında müxtəlif idman növlərinin təqdimatı həyata keçirilib. Daha sonra ayrılmış ərazidə “Bir fidan əkək” aksiyası həyata keçirilib. 

Tədbirdə futbol yarışı, qaçış (qızlar və oğlanlar), şahmat və dama, şən startlar yarışı həyata keçirilib. İdman proqramının davamında məktəbin ibtidai sinif şagirdləri tərəfindən musiqili proqram nümayiş etdirilib.

Yekunda Gəncə-Daşkəsən Regional Təhsil İdarəsinin tabeliyində faəliyyət göstərən bir qrup təhsil işçisi 5 Mart – Bədən Tərbiyəsi və İdman Günü ilə əlaqədar təltif olunub.