“Yaşıl dünya naminə Həmrəylik İli”çərçivəsində Naftalanda tədbir keçirilib - FOTOLAR

Naftalan Şəhər İcra Hakimiyyətinin təşkilatçılığı ilə Heydər Əliyev Mərkəzində “Yaşıl dünya naminə Həmrəylik İli”çərçivəsində “Yaşıl dünya naminə Həmrəylik İlinin elan edilməsi-məqsədyönlü siyasətin məntiqi nəticəsidir” mövzusunda tədbir keçirilib. 

Mubarizciler.az xəbər verir ki, Tədbirdə ŞİH-nin başçısı Vüqar Novruzov, Ekologiya və Təbii Sərvətlər Nazirliyinin 10 saylı Regional Ekologiya və Təbii Sərvətlər İdarəsinin rəisi Azər Quliyev, müstəqil ekspert, iqlimşünas İsa Əliyev, Ekologiya və Təbii Sərvətlər Nazirliyi yanında ictimai şuranın sədri Amin Məmmədov, AQTA-nın Gəncə¬-Daşkəsən regional bölməsinin sektor müdiri Gülnar Səfərli, hüquq mühafizə orqanları və idarə, müəssisə, təşkilat rəhbərləri, məktəblilər iştirak edib.

Öncə tədbir iştirakçıları Ümummilli Lider Heydər Əliyevin şərəfli ömür yolunu əks etdirən foto-eksponatlarla tanış olub, daha sonra bitkilərdən ibarət sərgiyə baxış keçirilib.

“Təbiəti qoruyaq” adlı video çarxın nümayişindən sonra ŞİH-nin başçısı giriş niqti ilə qonaqları salamlayıb və bildirib ki,  bu gün Azərbaycan dünyada gedən iqlim dəyişikliyi proseslərinə ən həssas yanaşan azsaylı ölkələrdəndir. Həmçinin COP29-un ölkəmizdə keçirilməsindən danışıb və qeyd edib ki, ötən il Möhtərəm Prezidentimizin müvafiq Sərəncamı ilə 2024-cü ilin “Yaşıl dünya naminə həmrəylik ili” elan edilməsi təkcə ölkəmiz üçün deyil, bütün dünya üçün qlobal çağırışdır.

Çıxış edən digər natiqlər “Qlobal İqlim Dəyişikliyinin həlli qlobal həmrəylik tələb edir”, “Yaşıl dünya naminə dövləti ilə həmrəy olan vətəndaş cəmiyyəti” mövzusunda ətraflı məlumat verərək, bildirdilər ki, Azərbaycanda son 30 ildə məlum münaqişə səbəbindən ekosistemə çox ciddi zərər vurulmuş və mühüm bir hissəsi dağıdılmış, ətraf mühit müxtəlif çirklənmələrə məruz qalmışdlır.

Sonda tədbir içtirakçılarına maarifləndirici bukletlər və həmişəyaşıl bitkilər paylanılıb, xatirə şəkli çəkilib.

Tədbirin rəsmi hissəsindən sonra Naftalanda müalicə alan bir qrup xarici turistlərlə birgə şəhərin yeni Bayraq Meydanında ağacəkmə aksiyasında iştriak ediblər. Aksiyada 100 dən çox zeytun və oleandr ağacları əkilmişdir.