2 fevral Gənclər günü münasibətilə Gəncə Dövlət universitetində tədbir keçirilib - FOTO

2 fevral Gənclər günü münasibətilə Gəncə Dövlət universitetində tədbir keçirilmişdir. Tədbirə başlamazdan öncə dövlət himni səsləndirilib ardından ümumilli lider Heydər Əliyevin və vətən uğrunda canlarından keçən şəhidlərimizin əziz xatirəsi bir dəqiqəlik sükutla yad edilib. 

Mubarizciler.az xəbər verir ki,  Gəncə Dövlət universitetinin humanitar məsələlər üzrə prorektoru Gülsüm Fətəliyeva çıxış edərək ölkəmizdə gənclər gününün qeyd edilmə tarixindən və  Heydər Əliyevin gənclər siyasətindən söz açıb. Fəal gənc Kənan Qurbanov çıxışında Azərbaycanda gənc nəslin mənəviyyatca zəngin , vətənpərvərlik ruhunda tərbiyəsi , hərtərəfli inkişafı və ölkə həyatında fəal iştirakı üçün mühüm zəmin yaratdıgını ,Dövlət başçısı İlham Əliyevin gənclərə göstərdiyi diqqət və qayğını , gənclər üçün hər bir şərait yaradıldığını diqqətə çatdırıb . Bütün gəncləri 7fevral ölkəmizdə keçiriləcək növbədən kənar prezident seçkilərində Yeni Azərbaycan Partiyası/ New Azerbaijan Party vahid namizədi İlham Heydər oğlu Əliyevə səs verməyə çağırıb.

Sonda Gəncə Dövlət Universiteti rektoru tərəfindən təhsildə və ictimai işlərdə fərqləndiyinə görə bir sıra gənclər Fəxri fərmanla təltif olunub .