Goranboy rayonunda "Gənclər Həftəsi" çərçivəsində silsilə tədbirlər davam etdirilir 0

02 fevral 2024-cü il tarixdə Gəncə-Daşkəsən Regional Gənclər və İdman İdarəsinin Goranboy rayonu üzrə gənclər və idman sektoru, Goranboy Gənclər Evi, Gəncə-Daşkəsən Regional Mədəniyyət İdarəsinin tabeliyində fəaliyyət göstərən Goranboy rayon Heydər Əliyev Mərkəzi, Goranboy rayon Mərkəzi Kitabxana, Goranboy şəhər kitabxana filialının birgə təşkilatçılığı ilə "Azərbaycan Gəncləri Günü" münasibəti ilə "Gəncliyimiz Gələcəyimizdir!" adlı görüş təşkil edildi.

Mubarizciler.az xəbər verir ki,  Tədbirdə Ümummilli Lider Heydər Əliyev və torpaqlarımızın bütövlüyü uğrunda canlarını fəda etmiş şəhidlərin əziz xatirəsi bir dəqiqəlik sükutla yad olundu.

 Əsası Ümummilli Lider Heydər Əliyev tərəfindən qoyulmuş "Dövlət gənclər siyasəti" haqqında film nümayişindən sonra çıxış edən natiqlər "Gənclər Günü"nün təsis olunma tarixindən və gənclərin problemlərinin həlli istiqamətində atılmış addımlardan söz açaraq onları təbrik etdilər.

 Sonda "Gənclər Günü" münasibəti ilə Goranboy rayonunda Gənclər siyasətinin həyata keçirilməsində fəal iştirak edən aktiv gənclər və könüllülər Təşəkkürnamə ilə təltif olundular.