Gəncədə hesabat tədbiri keçirilib - FOTO 0

Gəncə-Daşkəsən Regional Təhsil İdarəsinin inzibati binasında idarə müdiri, idarə əməkdaşları və sektor müdirlərinin iştirakı ilə hesabat tədbiri keçirilib.

Mubarizciler.az xəbər verir ki, Hesabat tədbirində Tədrisin keyfiyyəti sektorunun müdiri Sevinc Quliyeva ay ərzində həyata keçirilən monitorinqlər, dərsdinləmələr və digər mövzular barədə çıxış edib.

Tədrisin keyfiyyəti sektorunun əməkdaşları inklüziv təhsil, icma əsaslı məktəbəqədər təhsil qrupları, peşə təmayüllü sinifləri, STEAM və Rəqəmsal bacarıqlar mövzusunda təqdimatla çıxış ediblər.

İnzibati təşkilat sektorunun müdiri Azər İbrahimov sənədlərlə və vətəndaşlarla iş, sosial şəbəkə hesabları ilə iş, təhsil müəssisələri üzrə işə qəbul, aparat və sektorlar üzrə işə qəbul, çalışmanın yaş həddinə çatan və müddətli əmək müqaviləsi ilə çalışan işçilərlə işin təşkili, dərs saatlarının idarə olunması, intizam tənbehi mövzularında çıxış edib.

Sektorun əməkdaşları məktəbəqəbul, şagird yerdəyişməsi və ictimaiyyətlə əlaqələr mövzularında təqdimatla çıxış edib.

Hesabat tədbrinin davamında Samux rayonu üzrə təhsil sektorunun müdiri Nurlana Həsənova və Göygöl rayonu üzrə təhsil sektorunun müdiri Elnur Qasımov ay ərzində görülən işlərlə bağlı hesabatla çıxış edib. 

Tədbirin davamında GDRTİ-nin müdiri Anar Qədiməliyev təqdimatlarla bağlı qeydlərini bildirib, hədəflər və görüləcək işlər barədə məlumat verib.