Xəbər lenti
DANIŞIR - Sahib İbrahimli 0
Tarix: 22-01-2024 22:51
Baxış: 1 512
DANIŞIR
Haqdır o—başının hayına qalan,
Kef çəkir sinəsi ordenli talan.
Ən yüksək kürsüyə çıxıbdır yalan,
Vermir bircə kəsə aman, danışır.
Nə axır bizimdir, nə də ki, əzəl,
Bu yer də özəldir, o göy də özəl.
Nadanın dizində bir nazlı gözəl,
Habilin dizində kaman danışır.
Qəlbim ağlayır ki, niyə daş deyil,
Quzunun göz yaşı qurda xoş deyil.
Hələ də eşşəyin ağzı boş deyil,
Onun əvəzinə saman danışır.
Ahım Kəbəni də qət eləyib, qət,
Eh, yazıq dildə də qalmayıb taqət.
Adamlıq dilində vicdan, ləyaqət,
Pul, sərvət dilində zaman danışır.
Hökm qan vurur ki, möhür solmasın,
Gözlər boşalır ki, ürək dolmasın.
Ay dünya, bax, mənim adım olmasın,
Adamlar dalınca yaman danışır.
Xəbəri paylaş
Çox oxunanlar
Son yüklənənlər
Axtarış
Reklam
İdman
Şou-biznes
Maraqlı
Bölgə
Çox oxunanlar
05-10-2023 19:56
29-07-2023 21:47
24-10-2023 20:57
0772703001 
