Goranboy rayonunun Rəhimli və Veyisli kəndlərində görüşlər keçirilib - FOTO 0

2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 16-da Goranboy rayon Rəhimli və Veyisli kəndlərində görüşlər keçirilib.

Mubarizciler.az xəbr verir ki, Görüşlərdə YAP Goranboy rayon təşkilatının sədri Samir Qocayev, təşviqat qrupunun üzvləri Gündüz Hacıyev, Əzra Həşimova, Rəddin Məmmədov, Ürfət Həsənov, İsgəndər Səklikov, Nurəddin Həsənov, Rəşad Məmmədov və Vətən müharibəsi qazisi Ruslan Əmrahov çıxış ediblər.

Çıxışlarda bildirilib ki, Yeni Azərbaycan Partiyası bu seçkilərə möhtəşəm nailiyyətlərlə gedir. Prezident İlham Əliyevin həyata keçirdiyi ardıcıl və sistemli islahatlardan, uğurlu daxili və xarici siyasət nəticəsində ölkəmizin qazandığı nailiyyətlərdən bəhs edilib. Ərazi bütövlüyümüzün və suverenliyimizin bərpası isə Prezidentimizin 20 illik fəaliyyətinin zirvəsini təşkil edir. Ona görə də, bu seçkilər yeni dövrün başlanğıcı kimi dəyərləndirilir.

Öz növbəsində çıxış edən seçicilər fevralın 7-də qalib xalqın qalib Lideri İlham Əliyevə səs  verəcəklərini bildiriblər.