Növbəti səyyar qəbul Yevlax şəhər Yaldili kəndində keçirildi 0

Yevlax Şəhər İcra Hakimiyyətinin  Başçısı Anar Tağıyev vətəndaşların təkliflərini, müraciətlərini və mövcud problemlərini yerindəcə öyrənib həllini sürətləndirmək məqsədilə növbəti səyyar qəbulu rayonun Yaldili kəndində keçirdi.

Mubarizciler.az-ın məlumatına görə, Səyyar qəbulda Şəhər İcra Hakimiyyəti Başçısının müavinləri, şöbə müdirləri, rayonun hüquq mühafizə orqanlarının, xidmət sahələrinin rəhbərləri və kənd sakinləri  iştirak edib.

Şəhər rəhbəri  əvvəlcə  Möhtərəm Prezidentimiz, Müzəffər Ali Baş Komandan cənab İlham Əliyevin rəhbərliyi ilə respublikamızda və rayonda  görülən  işlər barədə kənd sakinlərinə ətraflı  məlumat verib.

İcra Başçısı həmçinin qeyd edib ki,  regionların sosial-iqtisadi inkişafına böyük diqqət yetirən Möhtərəm Prezidentimizin hərtərəfli qayğısı sayəsində bütün problemlər aradan qaldırılacaq və əhalinin sosial rifahına yönəlmiş tədbirlər   bundan sonra da davam etdiriləcəkdir. Rayonda keçirilən istər səyyar qəbullarda, istər də fərdi şəkildə aparılan qəbullarda səsləndirilən hər bir müraciət diqqətlə araşdırılaraq qanunvericiliyə uyğun icrası təmin olunur.Vətəndaşlarımızı narahat edən ən kiçik müraciət, problem belə diqqətdən kənarda qalmır. Təbii ki, aparılan bütün bu tədbirlər əhalinin rahatlığının təminatına, güzəranının yaxşılaşdırılmasına xidmət edir və görülən bu məqsədyönlü işlər bundan sonra da davamlı olacaqdır.

Daha sonra sakinlərin  təklifləri, istəkləri dinlənilib və onları narahat edən problemlər  məsul şəxslərin iştirakı ilə araşdırılaraq həlli ilə bağlı tədbirlər müəyyənləşdirilib. Həlli vaxt tələb edən məsələlər nəzarətə götürülməklə aidiyyəti təşkilat rəhbərlərinə müvafiq tapşırıqlar verilib.

Səyyar qəbulu razılıqla qarşılayan sakinlər, göstərilən diqqət və qayğıya görə Azərbaycan Respublikasının Prezidenti,Müzəffər Ali Baş Komandan cənab İlham Əliyevə Birinci vitse-prezident hörmətli Mehriban xanım Əliyevaya öz minnətdarlıqlarını bildiriblər.