Goranboy şəhəri Cəfər Cabbarlı küçəsində 4 mərtəbəli 16 mənzilli yaşayış binasının təməlqoyma mərasimi keçirildi - FOTO 0

Möhtərəm Prezidentimiz cənab  İlham Əliyevin tapşırığına əsasən, Goranboyda sakinlərin mənzil-məişət şəraitinin yaxşılaşdırılması ilə bağlı əməli tədbirlər davam etdirilir.

Möhtərəm Prezidentimiz cənab  İlham Əliyevin müvafiq tapşırığına uyğun olaraq, Goranboy və Dəliməmmədli şəhərlərində qəzalı vəziyyətdə olan çoxmənzilli binalarda sakinlərin mənzil-məişət şəraitinin yaxşılaşdırılması məqsədilə Goranboy şəhərində 36 mənzilli 4 ədəd 2 mərtəbəli, Dəliməmmədli şəhərində 16 mənzilli 1 ədəd 2 mərtəbəli yaşayış binalarının sökülərək  yerlərində,  Goranboy şəhərində 2 ədəd 4 mərtbəli 36 mənzilli, Dəliməmmədli şəhərində isə 1 ədəd 4 mərtəbəli 16 mənzlli binaların tikintisi işləri aparılacaqdır. 

Mubarizciler.az xəbər verir ki, Goranboy şəhəri Cəfər Cabbarlı küçəsində  4 mərtəbəli 16 mənzilli yaşayış binasının təməlqoyma mərasimi keçirildi.

Tədbirdə, rayon İcra Hakimiyyətinin başçısı Məhərrəm  Quliyev, rayonun digər rəhbər şəxsləri, rayon ağsaqqalları və binanın gələcək sakinləri iştirak etdilər. Goranboy şəhərində 4 mərtəbəli 20 mənzilli və Dəliməmmədli şəhərində  1 ədəd 4 mərtəbəli 16 mənzlli binaların tikinti işlərinə isə cari ayın sonunda başlanılması nəzərdə tutulmuşdur.