Azərbaycanın Xüsusi Xidmət Orqanlarının qurucularından olan Eldar Məmmədəliyevin 72 yaşı tamam olur 0

Bu gün müstəqil Azərbaycanın xüsusi xidmət orqanlarının qurucularından olan Eldar Məmmədəliyevin 72 yaşı tamam olur.

Ulu öndər Heydər Əliyevin peşəkarlıq məktəbinin yetirmələrindən olan Eldar müəllim dövlət təhlükəsizlik orqanlarında xidmətə həsr etdiyi şərəfli ömrünün 35 ilinin 15 ilə yaxın dövrünü müstəqil Azərbaycanın siyasi kəşfiyyatının ilk rəhbəri kimi məsul, çətin və eyni zamanda şərəfli bir vəzifədə çalışmışdır.

Eldar müəllimin xidmətləri dövlət tərəfindən daim yüksək qiymətləndirilmiş, 2002-ci ildə Ulu Öndər Heydər Əliyevin imzaladığı müvafiq fərmanla Azərbaycan Respublikasının konstitusiya dövlət quruluşunun müdafiəsində, milli təhlükəsizliyinin təmin edilməsində, xarici ölkələrin xüsusi xidmət orqanlarının kəşfiyyat, terror-təxribat və digər pozuculuq fəaliyyətinin qarşısının alınmasında xüsusi xidmətlərinə görə Eldar Məmmədəliyev “Azərbaycan bayrağı” ordeni ilə təltif olunmuşdur.

Eldar müəllimin xalqı, vətəni, milləti qarşısındakı misilsiz xidmətləri bugün də dövlət tərəfindən unudulmur. Azərbaycan Respublikası Prezidenti cənab İlham Əliyevin 16 sentyabr 2021-ci il tarixli Sərəncamı ilə Eldar Məmmədəliyev 70 illik yubuileyi münasibətilə Azərbaycan Respublikasının dövlət orqanlarında uzunmüddətli səmərəli fəaliyyətinə görə “Azərbaycan Respublikası Prezidentinin fəxri diplomu” ilə təltif olunmuşdur.

Bu əlamətdar gün münasibətilə Mubarizciler.az xəbər portalının əməkdaşları olaraq  Eldar müəllimi ürəkdən təbrik edir, ona uzun ömür, möhkəm can sağlığı, ailə səadəti və işlərində müvəffəqiyyətlər arzu edirik.