Millət vəkili Naftalanda vətəndaşları qəbul edib - Fotolar 0
Millət vəkili Anar Məmmədov Naftalan şəhəri Heydər Əliyev Mərkəzində vətəndaşları qəbul edib.
Mubarizciler.az xəbər verir ki, qəbulda Naftalan Şəhər İcra Hakimiyyəti başçısının müavini, Naftalan şəhər Ağsaqqallar Şurasının sədri, şəhid ailələrinin üzvləri və ziyalılar iştirak edib.
Qəbuldan öncə Ümummilli lider Heydər Əliyevin abidəsi ziyarət edilərək xatirəsi ehtiramla anılıb.
Daha sonra Heydər Əliyev Mərkəzinin inzibati binasında keçirilən qəbul zamanı vətəndaşlarla fərdi qaydada görüşən Anar Məmmədov onların müraciət, təkliflərini dinləyib. Dinlənilmiş müraciətlər qanunamüvafiq qaydada həll olunması məqsədi ilə qeydiyyata alınaraq nəzarətə götürülüb. Qanunvericiliyə uyğun olan bəzi müraciətlər həll olunması üçün aidiyyəti orqanlara yönləndirilib. Bir neçə məsələ yerində həllini tapıb.
Qəbulda müraciət edən vətəndaşlar ölkəmizdə həyata keçirilən islahatlara, əhalinin sosial rifah halının yüksəldilməsinə göstərilən diqqət və qayğıya görə Prezident İlham Əliyevə və Birinci vitse-prezident Mehriban Əliyevaya öz minnətdarlıqlarını bildiriblər.
Xəbəri paylaş
0772703001 
