Emin Əmrullayev Naxçıvanda “Son zəng” tədbirində - Fotolar 0
İyunun 14-də elm və təhsil naziri Emin Əmrullayev Naxçıvan şəhəri Heydər Əliyev adına tam orta məktəbdə keçirilən “Son zəng” tədbirində iştirak edib.
Elm və Təhsil Nazirliyindən (ETN) verilən məlumata görə, nazir emin Əmrullayev “Son zəng” tədbirinin Naxçıvanda ulu öndərin adını daşıyan məktəbdə keçirilməsinin əhəmiyyətini qeyd edib.
2022-2023-cü tədris ilinə Ağalı kənd tam orta məktəbində ilk zənglə başlanıldığını xatırladan Emin Əmrullayev tədris ili çərçivəsində Talış və Suqovuşan kənd tam orta məktəblərinin də istifadəyə verilməsini qürurverici hadisə olaraq qiymətləndirib.
Məzunları təbrik edən elm və təhsil naziri təkcə akademik nailiyyətlərə deyil, həm də vətəndaş dəyərlərinə malik olmağın vacibliyini bildirib.
E.Əmrullayev eləcə də, sosial şəbəkə hesabından bütün məzunlara təbrik ünvanlayıb:
“Gününüz mübarək, əziz məzunlar”.
Qeyd edək ki, 2022-2023-cü tədris ilində ölkə üzrə 98 649 nəfər XI sinfi bitirir. Onlardan 3 166 nəfəri Naxçıvan Muxtar Respublikasının ümumtəhsil məktəblərindən məzun olur.
Xəbəri paylaş
0772703001 
