İcra başçısı bir qrup kənd sakinlərinin problemlərini dinlədi - FOTO 0

Goranboy rayonunda əkin sahələrinin suvarma suyu ilə təminatı diqqətdə saxlanılır, bu istiqamətdə əməli tədbirlər həyata keçirilir.

Mubarizciler.az xəbər verir  ki, Goranboy rayonunda əkin sahələrinin suvarılması işinin təşkili və mövcud su ehtiyyatlarından səmərəli istifadənin təmin edilməsi nəzarətdə saxlanılır, bu məqsədlə, RİH yanında yaradılmış mobil qruplar yerlərdə əməli tədbirlər həyata keçirir.

Goranboy rayon İcra Hakimiyyətinin Başçısı Məhərrəm Quliyev, Tərtər rayon İcra Hakimiyyətinin başçısı Müstəqim Məmmədov, aidiyyəti su melorasiya təsərrüfatı mütəxəssisləri və bir qrup yerli fermerlərin  iştirakı ilə  rayonun Qızılhacılı qəsəbəsi, Xan Qərvənd, Əlirzalı, Yeniyol, Təklə və Aşağı Ballıqaya  kəndlərində əkin sahələrinin, mənbəyini   Sərsəng su anbarından götürən və  Tərtər rayonu ərazisindən keçən  Xan arxı adlanan su kanalı və rayonun digər ərazilərində əkin sahələrinin, mənbəyini Kür çayı üzərində qurulan Şəmkir su anbarından götürən Şəmkir Maşın-Su Kanalı vasitəsi ilə suvarma suyu ilə təminatı, bu məqsədlə su itkisinin qarşısının alınması üçün  arx və kanalların təmizlənməsi, bərpası işlərinin həyata keçirilməsi və bu sahədə mövcud çatışmazlıqların aradan qaldırılması  ilə bağlı,  Xan Qərvənd kəndi ərazisində müzakirələr aparıldı, vətəndaşların müraciətləri üzrə  problemləri həll edildi.