Goranboy rayon Statistika İdarəsinin məlumatı Fotolar

2025-ci ilin yanvar-sentyabr aylarında əsas kapitala 3857,4 min manat məbləğində, yaxud əvvəlki ilin müvafiq dövrü ilə müqayisədə 76,4 faiz çox investisiya yönəldilmişdir. Əsas kapitala yönəldilmiş investisiyanın 3086,9 min manatı və ya 80,0 faizi bilavasitə tikinti-quraşdırma işlərinin yerinə yetirilməsinə sərf olunmuşdur. Tikinti-quraşdırma işləri əvvəlki ilin müvafiq dövründən 48,6 faiz çox olmuşdur.

Ümumi sərmayənin 0,01 faizi dövlət, 99,99 faizi qeyri-dövlət sektorunun sərmayədarları tərəfindən qoyulmuşdur.

2025-ci ilin yanvar-sentyabr aylarında  ümumi sahəsi 21454,5 kvadrat metr olan yaşayış evləri tikilib istifadəyə verilmişdir.

2025-ci ilin yanvar-sentyabr aylarında fəaliyyət göstərən hüquqi və fiziki şəxslər tərəfindən tikinti müəssisələrinin öz gücü ilə yerinə yetirdikləri işin həcmi 100407,5 min manat olmuşdur. Tikinti müəssisələri tərəfindən yerinə yetirilmiş işlərin 98,1 faizi və ya 98494,7 min manatı inşaat, yenidənqurma və bərpa işləri, 1,5 faizi və ya 1486,6 min manatı cari təmir işləri, 0,4 faizi və ya 426,2 min manatı isə sair işlər olmuşdur. Ümumi inşaat işlərinin 98,6 faizi qeyri-dövlət mülkiyyətində olan tikinti müəssisələri tərəfindən yerinə yetirilmişdir.

Goranboy rayon Statistika İdarəsi.