Xəbər lenti

Polis təbiətin də keşiyindədir

Tarix: 14-07-2025 15:45     Baxış: 728

Polis əməkdaşları tərəfindən digər müvafiq dövlət qurumları ilə birgə ətraf mühitin mühafizəsi və Xəzər dənizinin sahilboyu ərazilərində ekoloji sabitliyin təmin edilməsi məqsədilə tədbirlər davam etdirilir.

Mubarizciler.az ın məlumatına görə, növbəti tədbirlər zamanı Lənkəran rayonu ərazisində yerləşən bir neçə istirahət mərkəzində çirkab suların dənizə axıdılması, meşə fondu ərazisində torpağın üst münbit qatının korlanması, həmin ərazidə 2 ədəd palıd ağacının zədələnməsi və atmosfer havasına zərərli maddələrin atılması müəyyən edilib. Həmçinin, davam etdirilən tədbirlərlə rayonun Kənarmeşə, Şilavar və Sütəmurdov kəndlərində isə tullantı sularının kənara təyinatsız axıdılması və məişət tullantılarının təyin olunmuş yerlərdən kənara atılması aşkar edilib. 

Həmin istirahət mərkəzlərinin məsul şəxsləri və işçiləri də daxil olmaqla 6 nəfər barəsində inzibati protokollar tərtib edilib. 

Paytaxtın Xəzər, Qaradağ, Xətai və Suraxanı rayonlarında keçirilən tədbirlər zamanı isə məişət tullantılarının tutumlardan (urnalardan) kənar yerlərə atılması halları müəyyən edilib və ətraf mühitin mühafizəsi tələblərinə əməl edilməməsinə görə 8 nəfər barəsində inzibati tədbir görülüb.

Ekoloji mühitin qorunması məqsədi ilə polis əməkdaşları tərəfindən ölkəboyu nəzarət-profilaktik tədbirlər davam etdirilir.



Xəbəri paylaş








Çox oxunanlar




Son yüklənənlər


Axtarış

Reklam
Cop29
İdman
Şou-biznes
Maraqlı
Təqvim

«    Avqust 2025    »
BeÇaÇCaCŞB
 123
45678910
11121314151617
18192021222324
25262728293031
Bölgə
Fotosesiya
Çox oxunanlar