Yasamal Polisi məktəblilərin qonağı olub - Fotolar
Yasamal rayonunda yerləşən Z.Əliyeva adına liseydə “Narkomaniya ümumbəşəri bəladır” və “Yol hərəkəti qaydalarına məktəblilər tərəfindən riayət edilməsinin vəziyyəti” mövzularında maarifləndirici tədbir keçirilib.
Mubarizciler.az xəbər verir ki, bu barədə Daxili İşlər Nazirliyinin Mətbuat Xidməti məlumat yayıb.
Tədbirdə iştirak edən Yasamal Rayon Polis İdarəsinin rəisi polis polkovniki Mirnemət Mirbabayev narkomanlıq və onun yaratdığı təhlükələrdən danışıb, bu istiqamətdə görülən qətiyyətli mübarizə tədbirlərindən bəhs edib, neqativ halların aradan qaldırılması üçün uşaq və yeniyetmələr arasında məsuliyyət hissinin gücləndirilməsinin əhəmiyyətini vurğulayıb. Tədbir zamanı şagirdlərə yollarda quraşdırılan yol nişanları, işıqforlar və piyada keçidləri ilə bağlı zəruri məlumatlar da verilib.
Sonda şagirdlərin mövzularla bağlı sualları cavablandırılıb.
Xəbəri paylaş
0772703001 
