Masallıda "Narkomaniya və erkən nikahlara yox deyək!" mövzusunda görüş keçirilib FOTO
Masallı Rayon Polis Şöbəsinin təşkilatçılığı ilə Banbaşı kənd tam orta məktəbində "Narkomaniya və erkən nikahlara yox deyək!" mövzusunda görüş keçirilib.
Mubarizciler.az xəbər verir ki, bu barədə Daxili İşlər Nazirliyinin Mətbuat Xidməti məlumat yayıb.
Çıxış edən Masallı RPŞ-nin rəisi polis polkovniki Azay Ağayev bildirib ki, bu kimi tədbirlərin keçirilməsində məqsəd yeniyetmə və gəncləri narkomaniyanın səbəb olduğu problem və fəsadlar mövzusunda maarifləndirmək, onlar arasında sağlam həyat tərzini təbliğ etməkdir. Şöbə rəisi dövrümüzün ağır bəlasına çevrilən narkomaniyanın zərərlərindən, insan sağlamlığı üçün təhlükələrdən, eləcə də ölkəmizdə narkomanlığa qarşı aparılan genişmiqyaslı mübarizə tədbirlərindən danışıb.
Sonra narkomaniyanın zərərli təsirləri barədə videoçarx izlənilib və mövzu ətrafında çıxışlar dinlənilib.
Xəbəri paylaş
0772703001 
