Gəncə terrorundan 4 il keçir - FOTO
Vətən müharibəsi dövründə Ermənistan silahlı qüvvələrinin Azərbaycanın ikinci ən böyük şəhəri olan Gəncəyə ballistik raket hücumlarından 4 il ötür.
Mubarizciler.az xəbər verir ki, Gəncə terroru nəticəsində 4 nəfər şagird Şəhid olub. Onlar Gəncə şəhər K.D.Uşinski adına 29 nömrəli tam orta məktəbin şagirdləri Nigar Əsgərova, Artur Mayakov, Orxan Xəlilli və Məryəm Xəlillidir.
Xatırladaq ki, 2020-ci ilin oktyabrın 17-də gecə saat 01 radələrində düşmən növbəti dəfə xain və qəddarcasına cəbhə zonasından kənarda yerləşən, Azərbaycanın ikinci böyük şəhərinin mərkəzindəki Cavadxan qəsəbəsini SCUD/Elbrus əməliyyat-taktiki ballistik raketləri ilə atəşə tutub.
Düşmənin hücumu zamanı yaşayış evləri tamamilə dağılıb, sakinlər dağıntılar altında qalıb.
Nəticədə 15 nəfər şəhid olub, 50-dən artıq şəxs yaralanıb, çoxsaylı mülki infrastruktur obyektlərinə, nəqliyyat vasitələrinə külli miqdarda ziyan dəyib. Şəhid olanlar və xəsarət alanlar arasında azyaşlılar, qadınlar və qocalar da var.
Xəbəri paylaş
0772703001 
