Əsl ziyalı, xeyirxah, qayğıkeş insan

 Arxalıya arxa durma deməsinlər yamaqdı Arxasıza arxa dur ki, desinlər ki, dayaqdı.

Yazıma Azərbaycanın görkəmli ilk xalq şairi Səməd Vurğunun belə bir dəyərli aforizmi ilə başlamağım heç də təsadüfi deyil.

Müdrik bir kəlamda deyildiyi kimi insan dünyaya gələrkən onun ruhu və zəkası bəyaz lövhənin əksinə bənzəyir. Böyüyüb, yetkinləşərək, kamala çatdıqca aldığı elm onun mənəviyyatına ziya saçır. Ziyalılar üstün təbəqənin nümayəndələridir.

Zaman keçdikcə həyat dəyişir, insan şüuru sürətlə zirvələrə doğru yol açır. Yurdumuz, vətənimiz yetirdiyi xeyirxah, ziyalı insanların nurunda inkişafa doğru irəlilədikcə, biz yazarlar ilham alır, onların həyat və fəaliyyətini işıqlandırmaq arzusunu reallığa çeviririk. Elə mən də bir yazar olaraq yazımın əsas qəhrəmanının şərəfli ömür yolunu, xeyirxah əməllərini işıqlandırmaq məqsədilə yola çıxdım. Haqqında qələmə alacağım insan da arxasıza dayaq duran, sözün həqiqi mənasında imkansızlara qol-qanad olan, ələlxüsus şəhid ailələrinə, qazilərə, vetiranlara xüsusi diqqət və qayğı nümayiş etdirən, əsil ziyalı ömrü yaşayan Gəncə Şəhər MKTİB-nin rəisi Nurəhməd Əhmədovdur. Belə ki, ötən gün Gəncə Şəhər sakini  Gülnarə Əliyeva evinin pəncərəsinin yararsız vəziyyətdə olması ilə əlaqədar Gəncə Şəhər MKTİB - nin rəisi Nurəhməd Əhmədova müraciət edib. Nurəhməd müəllim dərhaı müraciəti nəzarətə götürərək vətəndaş Gülnarə Əliyevanın yaşadığı evə yeni plastik pəncərə qoyulmasını təmin edib. Bəli şərəfli həyat yolu keçən, vətəninə, xalqına, torpağına bağlı bir insan, ürəyi insanların sevinci-kədəri ilə döyünən əsil azərbaycanlıdır. Hər zaman sadəliyi, xeyirxahlığı ilə seçilən Nurəhməd müəllimin sözünün əvvəli-axırı insandır. İnsanın dərdi, kamilliyi, qəhrəmanlığı, naqisliyi, nadanlığıdır. Bütün insanlar yaxşı əməl sahibi, xeyirxah olsaydı faciələr törənməz, qanlar axıdılmaz, ölkələr viran, uşaqlar yetim, ana-bacıların gözü yaşlı qalmazdı, deyir Nurəhməd müəllim.

Yaxşı insan və xeyirxah əməl ölməzdir. Nəcib, xeyirxah insanlar əməlləri, qurub yaratdıqları, nəsillərə qoyub getdikləri töhfələrlə, işlərlə zaman-zaman yad edilir, xatırlanır, gələcək nəsillərə bir örnək kimi nümunə göstərilir. Nurəhməd Əhmədovun rəhbərlik etdiyi Gəncə şəhər MKTİB-nin bütün kollektivinin hər zaman fikirlərini səbrlə dinləyir, hər kəsə əlindən gələn köməkliyi göstərir, heç bir zaman ona pənah gətirən insanları naümid qaytarmır. Sadəlik insanın gözəlliyi, təvazökarlıq isə təbiəti, xarakteridir. Hər iki xüsusiyyət yazımın qəhrəmanı olan Nurəhməd Əhmədovda var. Heç nəyə biganə yanaşmır, hər zaman şəhid ailələrinə, qazilərə, aztəminatlı insanlara xüsusi qayğı göstərir, heç kəsdən bacardığı köməkliyi əsirgəmir. Bəli, ona müraciət edən hər kəsə doğma insanı kimi münasibət bəsləyən Nurəhməd müəllim onların hər birinə qayğı ilə yanaşır, səmimi rəftar edir. O, sözünün qədir-qiymətini bilən insandı. Onun sözü ilə əməli həmişə üst-üstə düşür. İllər keçib, zaman dəyişsə də Nurəhməd Əhmədov dəyişməz qalır. Nurəhməd Əhmədovun ən yaxşı xüsusiyyətlərindən biri də jurnalistlərin ürəyini fəth edə bilməsidir. Heç zaman jurnalistlərdən qaçmaz, onların istənilən məsələ ilə bağlı suallarını cavablandırmağa çalışır. Ən əsas xüsusiyyəti isə dəqiqliyi, qərəzsizliyi, obyektivliyi çox sevir və bütün qələm sahiblərinə bunu tövsiyyə edir. Ağa ağ, qaraya qara demək lazımdır, yalan məlumatlar cəmiyyətə, insanlara və gələcək nəsillərə zərər gətirər,deyə tövsiyyə edir. Mənim belə bir insan haqqında yazmaq istəməyimin əsas səbəbi də məhz Nurəhməd Əhmədovun dəyişməz xarakterli olması, hər kəsə eyni gözlə baxması, etdiyi hər hansı bir iş olur-olsun heç bir təmənna gözləməməsi, heç kəsdən əlindən gələn köməyini əsirgəməməsidir. 

Mən bir yazar olaraq "Turkdunyasi".az redaksiyasının bütün yaradıcı heyəti adından fəaliyyətinin bütün dövrlərində özünün yüksək milli-ictimai şüuru, mədəniyyəti, yüksək peşəkarlığı, prinsipiallığı, heyrətləndirici əmək qabiliyyəti, böyük analitik düşüncəsi, sadəliyi, təvazökarlığı və son dərəcə humanistliyi ilə fərqlənən bu dəyərli insana, Nurəhməd Əhmədova sağlıqlı uzun ömür arzulayır, Azərbaycan Respublikasının Prezidenti, Silahlı Qüvələrin Ali Baş Komandanı cənab İlham Əliyevin rəhbərliyi altında həyata keçirdiyi məsuliyyət tələb edən çətin və şərəfli  işində uğurlar arzulayır, şərəfli fəaliyyətiniz, ləyaqətli ömrünüz uzunömürlü, davamlı olsun, Nurəhməd müəllim! 

Müəllif: "Əbədi Türk Birliyi" Komitəsinin mətbuat katibi, "Turkdunyasi".az informasiya portalının Təsisçi və Baş redaktoru  Mübariz Nağısoy.