Gülnar Salmanovanın anadan olmasının 68-ci ili tamam olur
Bu gün Əməkdar artist Gülnar Salmanovanın anadan olmasının 68-ci ili tamam olur.
Mubarizciler.az xəbər verir ki, Gülnar Salmanova 1956-cı ilin iyulun 24-də Neftçala rayonunda anadan olub. 1981-ci ildə M.Əliyev adına Azərbaycan Dövlət İncəsənət İnstitutunun musiqili komediya fakültəsini bitirib. Həmin ildən Azərbaycan Musiqili Komediya Teatrında işləyib.
Aparıcı səhnə ustası, güclü və məlahətli soprano səsə malik idi. Əsasən "Subretka" ampluasında teatrda və televiziya ekranlarında fəal çıxış edirdi. Onun "50 yaşında cavan" tamaşasındakı Gülnaz, "Beşmanatlıq gəlin"dəki Naznaz, "Özümüz bilərik"dəki Ceyran, "Subaylarınızdan görəsiniz"dəki Çiçək, "Hicran"dakı Çarleston, "Bankir ədaxlı"dakı Maral, "Məhəbbət oyunu"dakı Ceyran və s. obrazları özlərinin orijinallığı və yüksək ifası ilə sevilib, yadda qalıb. Gülnar Salmanova “Əməkdar artist” fəxri adına layiq görülüb.
Gülnar Salmanova 2015-ci ildə vəfat edib.
Xəbəri paylaş
![](/templates/Webmediaaz/images/reklam.gif)
![](/uploads/posts/2023-10/img-20231005-wa0074.jpg)
![](/uploads/posts/2023-07/1690652783013.jpg)
![](/uploads/posts/2023-10/img-20231024-wa0235.jpg)