Xəbər lenti

Xalq artisti Cahangir Cahangirovun anadan olmasının 103 ili tamam olur

Tarix: 20-06-2024 15:34     Baxış: 896

Bu gün Xalq artisti Cahangir Cahangirovun anadan olmasının 103 ili tamam olur.

Mubarizciler.az  xatırladır ki, Cahangir Cahangirov 1921-ci il iyunun 20-də Balaxanıda anadan olub. O, Azərbaycan Dövlət Konservatoriyasının bəstəkarlıq fakültəsini B.Zeydmanın sinfi üzrə bitirib. Bəstəkar Azərbaycan radiosunun nəzdində yaradılan xora rəhbərlik edib, müəllifin yazdığı mahnıların bir çoxu ilk dəfə həmin kollektivin ifasında səslənib. O, habelə Azərbaycan Dövlət Filarmoniyasının Mahnı və Rəqs Ansamblının bədii rəhbəri, Azərbaycan Dövlət Konservatoriyasının Xor dirijorluğu kafedrasının müdiri vəzifələrində çalışıb. Bəstəkar opera, kantata, oratoriya, simfoniya, simfonik poema, romansların, bir çox film və dram tamaşasına yazılmış musiqinin müəllifidir. Eyni zamanda mahnı janrı C.Cahangirovun yaradıcılığında xüsusi yer tutub. Bəstəkar “Ana”, “Aylı gecələr”, “Bakı”, “Dan ulduzu, bir də mən”, “Ay qız”, “Alagöz”, “Zərif gülüşlüm”, “Durnalar”, “Ana yurdum” mahnılarında canlı, ritmik, unudulmaz musiqi lövhələri yaradıb. Cahangir Cahangirov bir çox məşhur kinofilmlərə yazılan  maraqlı, yaddaqalan musiqi müəllifi olaraq tanınıb. “Yenilməz batalyon”, “Koroğlu”, “Dəli Kür” kimi filmlərin musiqisi Azərbaycanın qızıl fonduna daxil edilmiş sənət incilərindəndir. Cahangir Cahangirov “Əməkdar incəsənət xadimi”, “Xalq artisti” fəxri adlarına, iki dəfə “Qırmızı Əmək Bayrağı” ordeninə layiq görülüb.

Xalq artisti Cahangir Cahangirov 1992-ci ildə vəfat edib.



Xəbəri paylaş








Çox oxunanlar




Son yüklənənlər


Axtarış

Reklam
Cop29
İdman
Şou-biznes
Maraqlı
Təqvim

«    Oktyabr 2024    »
BeÇaÇCaCŞB
 123456
78910111213
14151617181920
21222324252627
28293031 
Bölgə
Fotosesiya
Çox oxunanlar