Ulu Öndər Heydər Əliyevə həsr olunmuş “Azərbaycan tarixinin Heydər Əliyev mərhələsi” adlı dəyirmi masa keçirilmişdir - FOTO

Azərbaycan Respublikası Mədəniyyət Nazirliyi  Gəncə Regional Mədəniyyət İdarəsi Goranboy rayon Mədəniyyət Mərkəzinin Məşədiqaralar kənd Sənətkarlıq  Evində ulu öndər Heydər Əliyevə həsr olunmuş “Azərbaycan tarixinin Heydər Əliyev mərhələsi” adlı dəyirmi masa keçirilmişdir.

Mubarizciler.az xəbər verir ki, Keçirilən tədbirdə Səfikürd, Veyisli kənd Sənətkarlıq Evlərinin, Balakürd kənd Mədəniyyət Evi, Nərimanlı Eyvazlılar kənd Klublarının və Məşədiqaralar kənd Kitabxana Filiallarının əməkdaşları ştirak ediblər. 

Tədbir ümummilli lider Heydər Əliyevin əziz xatirəsinin bir dəqiqəlik sükutla yad edilməsi ilə başlanıb. 

Tədbiri giriş sözü ilə açan Məşədiqaralar kənd Sənətkarlıq Evinin direktoru Rəsmiyyə Paşayeva  bildirib ki, artıq  ümummilli lider Heydər Əliyevin 100 illik yubileyi ilinin astanasındayıq.

Qarşıdakı dövrdə Azərbaycanın şəhər və rayonlarında, idarə, müəssisə və təşkilatlarda, o cümlədən Mədəniyyət Evlərində əlamətdar yubiley münasibətilə  xüsusi fəaliyyət planı hazırlanacaq və  il ərzində çoxsaylı tədbirlər keçiriləcəkdir. 

Heydər Əliyevin dünyanın nadir dühalarından biri olduğunu qeyd edən rektor vurğulayıb ki, o, xalqımızın çoxəsrlik tarixində yetişdirdiyi ən görkəmli dövlət xadimləri sırasında uca yer tutur. Heç şübhəsiz, XX əsrin sonu-XXI əsrin əvvəllərində Azərbaycana Heydər Əliyev kimi təcrübəli bir şəxsin rəhbərlik etməsi xalqımızı böyük bəlalardan qurtardı.

 Məhz Heydər Əliyev faktoru 1993-cü ildə ölkəmizi tam işğal olunmaq, bir neçə hissəyə parçalanmaq, yenicə qazandığı dövlət müstəqilliyini itirmək təhlükəsindən xilas etdi. 

Azərbaycan demokratik və hüquqi dövlət, vətəndaş cəmiyyəti quruculuğu yoluna qədəm qoydu, ölkədə möhkəm ictimai-siyasi sabitlik bərqərar edildi.  

Tədbirdə çıxış edən Mədəniyyət  işçiləri  bildirmişdir. Heydər Əliyevin 10 il ərzində  formalaşdırdığı  möhkəm bünövrə əsasında cənab Prezident İlham Əliyevin addımbaaddım həyata keçirdiyi ardıcıl, məqsədyönlü, zərgər dəqiqliyi ilə ölçülüb-biçilmiş siyasət sayəsində 2020-ci ilin cəmi 44 günü ərzində düşmən ordusu darmadağın edildi, təcavüzkar Ermənistan biabırçı təslim aktını imzalamağa məcbur oldu.  

Təxminən il yarımdır ki,  dövlət başçısı cənab İlham Əliyevin və Birinci vitse-prezident, Heydər Əliyev Fondunun prezidenti Mehriban xanım Əliyevanın bilavasitə rəhbərliyi və nəzarəti altında düşmən tapdağından azad olunmuş torpaqlarımızda genişmiqyaslı tikinti-quruculuq və bərpa-abadlıq işləri aparılır, Qarabağa böyük qayıdışın tezləşməsi üçün  zəruri addımlar atılır.

 “Bu gün ulu öndərin ən böyük arzusu reallığa çevrilib: müstəqil Azərbaycan Respublikası postsovet məkanında öz ərazi bütövlüyünü silah gücünə, ildırımsürətli müharibə yolu ilə bərpa edə bilmiş ilk və yeganə ölkə olub. Bugünkü Azərbaycan məhz Heydər Əliyevin görmək istədiyi müasir, müstəqil və qüdrətli Azərbaycandır” deyə bildirmişdilər.

Sonda Məşədiqaralar kənd Sənətkarlıq Evində  Heydər Əliyevin həyat yolu və siyasi fəaliyyətini əks etdirən foto sərgiyə baxış kemirilmişdir.