Valideynlər məktəbli formasını istənilən satış məntəqəsindən əldə edə bilərlər 0
Hörmətli valideynlər,
Bildiyiniz kimi 2023-2024-cü tədris ilində ölkənin hər bir ümumi təhsil müəssisəsi üzrə vahid məktəbli geyimi tətbiq ediləcək. Bununla bağlı Gəncə-Daşkəsən Regional Təhsil İdarəsinə tabe olan ümumi təhsil müəssisələrinin Pedaqoji Şurası müvafiq qərarda əks olunan məktəbli forması nümunələrindən birini seçib və həmin geyim ən azı 3 tədris ili dəyişilməz qalacaqdır. Hər bir valideyn (qanuni nümayəndə) övladının təhsil aldığı məktəbdən geyim forması ilə bağlı ətraflı məlumat əldə edə bilər.
Qeyd edək ki, eyni görünüşə malik məktəbli forması şagirdlər arasında bərabərliyi təşviq edir. Vahid geyim fo rması şagirdlərə məsuliyyət hissi aşılayır və məktəbin özünəxas təhsil mühitini formalaşdırır.
Dərs ilinin başlanmasına 1 aydan da qısa müddət qalıb. Sıxlıq yaşanmaması üçün valideynlərə məktəbli formasını indidən almağı tövsiyə edirik.
Gəncə-Daşkəsən Regional Təhsil İdarəsinin İctimaiyyətlə əlaqələr üzrə məsul şəxsi Raminə Məmmədova.
Xəbəri paylaş
0772703001 
