Şəhid Camalzadə Famil 0

Camalzadə Famil Hicran oğlu 6 iyun 1995 - ci ildə Salyan rayonunun Xurşud kəndində anadan olmuşdur. 

Mubarizciler.az xəbər verir ki, İlk təhsilini Şəhid Mahir Salmanov adlı orta məktəbdə almış, nümunəvi şagirdlərdən olmuşdur. 9 - cu sinfi bitirdikdən sonra  Salyan rayon peşə məktəbinə daxil olmuşdur. 2016 - cı ildə həqiqi hərbi xidmətə yollanmış, nizam- intizama riayət etmiş, xasiyyətnamə ilə əsgərliyini başa vurmuşdur. Elan olunmuş qismən səfərbərliklə sentyabrın 21 - dən təlimlərə qatılmış, 27 sentyabrdan isə döyüşlərdə iştirak etmişdir. Füzuli istiqamətində gedən döyüşlərdə vuruşmuş, Alxanlı, Qaraxanbəyli kəndlərinin alınmasında iştirak etmişdir. 4 Oktyabrda Qaraxanbəyli istiqamətində hərbi vəzifəsini yerinə yetirərkən düşmən tərəfindən atılan mərmilər nəticəsində şəhidlik zirvəsinə ucalmışdır. Azərbaycan Respublikasının Prezidenti Ali Baş Komandan İlham Əliyev Cənablarının imzaladığı müvafiq sərəncama əsasən ölümündən sonra " Füzulinin azad olunmasına görə", "Şuşanın azad olunmasına görə " ," Vətən uğrunda " və"İgidliyə görə " medalları ilə təltif edilmişdir. 

Subay idi, iki bacının tək qardaşı idi.

 Məkanı cənnət olsun, yeri behişt olsun.  ailəsinə səbir versin.