“Sağlam məhəllə” layihəsi çərçivəsində Naftalan şəhərində idman zonası istifadəyə verilib Fotolar

Azərbaycan Respublikası Prezidentinin müvafiq Sərəncamına əsasən həyata keçirilən “Sağlam məhəllə” layihəsi çərçivəsində Naftalan şəhərində idman zonası istifadəyə verilib.

Mubarizciler.az xəbər verir ki, açılış mərasimində Gənclər və İdman naziri Fərid Qayıbov, İcra Hakimiyyəti başçısının müavini, icra hakimiyyəti başçısı səlahiyyətlərini müvəqqəti icra edən Arzu Məmmədov, YAP Naftalan şəhər təşkilatının sədri Rövlan Heydərov, idman ustaları, gənc idmançılar və ictimaiyyət nümayəndələri iştirak ediblər.

İdman zonasında minifutbol və basketbol meydançaları, stolüstü tennis, şahmat, eləcə də hər yaş qrupuna uyğun idman qurğuları yerləşdirilib. Yeni istifadəyə verilən idman zonası sakinlərin, xüsusilə də yeniyetmələrin asudə vaxtlarını səmərəli keçirmələrinə geniş imkanlar yaradacaq. Müasir standartlara cavab verən bu layihə regionlarda idmanın kütləviliyinin artırılmasına və sağlam həyat tərzinin təbliğinə xidmət edir. Sakinlər və idmançılar yaradılan şəraitə, yüksək diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər. Nazir Fərid Qayıbov idman qurğularında məşq edən uşaqlarla söhbət edib, xatirə şəkli çəkdirib.