Goranboylu sahibkar Günay Mustafayeva “Güc biznesdədir” devizi altında keçirilən “Dayaq” mükafatına layiq görülüb Fotolar

Goranboylu sahibkar Günay Mustafayeva İqtisadiyyat Nazirliyinin dəstəyi, Kiçik və Orta Biznesin İnkişafı Agentliyinin təşkilatçılığı ilə “Güc biznesdədir” devizi altında keçirilən “Dayaq” mükafatına layiq görülüb.
Mubarizciler.az xəbər verir ki, İqtisadiyyat Nazirliyinin dəstəyi və Kiçik və Orta Biznesin İnkişafı Agentliyinin təşkilatçılığı ilə “Güc biznesdədir” devizi altında keçirilən mərasimdə 2025-ci il üzrə uğur qazanmış 17 sahibkarlıq subyektinə təqdim olunan “Dayaq” mükafatına layiq görülənlər arasında Azərbaycanda Qadın Sahibkarlığının İnkişafı Assosiasiyasının üzvü, Medlife Hospitalın direktoru Günay Mustafayeva da var.
Günay Mustafayevanın rəhbərliyi ilə Goranboy şəhərində fəaliyyətə hazır olan Medlife Hospital bölgədə səhiyyə sahəsində mühüm layihələrdən biridir. 2023-cü ilin mart ayında tikintisinə başlanılan hospitalın inşasına ümumilikdə 15 milyon manat vəsait xərclənmiş, müəssisə ən müasir və yüksək keyfiyyətli tibbi avadanlıqlarla təchiz edilmişdir. 98 çarpayılıq hospitalda ambulator, stasionar, cərrahiyyə, doğuş və təcili yardım şöbələri fəaliyyət göstərəcək. Ambulator şöbədə ginekologiya, travmatologiya, LOR, oftalmologiya, bütün laborator müayinələr, ultrasəs və radiologiya xidmətləri göstəriləcək. Layihə çərçivəsində 200-dən çox şəxsin işlə təmin edilməsi nəzərdə tutulur.

Xəbəri paylaş








































0772703001 