Vüqar Novruzov Şəhid Samir Məmmədovun anasını evində ziyarət edib, onun qayğıları ilə maraqlanıb Fotolar

Ölkəmizin ərazi bütövlüyü uğrunda gedən döyüşlərdə şəhidlik zirvəsinə ucalan qəhrəman Vətən oğullarının əziz xatirəsi Göygöldə ehtiramla anılır.

Mubarizciler.az xəbər verir ki, Göygöl Rayon İcra Hakimiyyətinin başçısı Vüqar Novruzov Vətən müharibəsində şəhid olan Samir Məmmədovun anasını evində ziyarət edib, onun qayğıları ilə maraqlanıb. 

Görüş zamanı Qarabağın azadlığı uğrunda gedən döyüşlərdə həyatını qurban verən Vətən övladlarının şücaətindən, Silahlı Qüvvələrin Müzəffər Ali Baş Komandanı cənab İlham Əliyevin rəhbərliyi ilə rəşadətli Azərbaycan Ordusunun qəhrəmanlığından söz açılıb. Dünya hərb tarixində misilsiz döyüş qabiliyyəti nümayiş etdirərək şəhadətə ucalan igidlərin xatirəsinin xalqımızın qəlbində əbədi yaşayacağı qeyd edilib.  Şəhidin anası Laləzər Məmmədova oğlu ilə bağlı xatirələrini bölüşərək, Möhtərəm Prezident cənab İlham Əliyevə şəhid ailələrinə göstərilən hərtərəfli diqqət və qayğıya görə sonsuz minnətdarlığını ifadə edib. Vətən müharibəsində Füzuli rayonu istiqamətində gedən döyüşlərdə 12 oktyabr 2020-ci ildə şəhid olan Samir Məmmədov Göygöl Şəhidlər Xiyabanında dəfn edilib.

 Dövlət başçısının imzaladığı sərəncamlarla ölümündən sonra “Vətən uğrunda”, “İgidliyə görə” və “Füzulinin azad olunmasına görə” medalları ilə təltif edilib. Şəhid Samir Məmmədov evli idi, 2 övladı var.