Goranboyda “Qərbi Azərbaycan həqiqətləri: Tarixdən gələcəyə” adlı tədbir keçirilib Fotolar

Goranboyda “Konstitusiya və Suverenlik İli” çərçivəsində   “Qərbi Azərbaycan həqiqətləri: Tarixdən gələcəyə” adlı tədbir  keçirildi.

Mubarizciler.az xəbər verir ki, Goranboy rayon İcra Hakimiyyətində Qərbi Azərbaycan İcması üzvləri ilə birgə təşkil olunan “Qərbi Azərbaycan həqiqətləri: Tarixdən gələcəyə” adlı tədbirdə iştirak edən rayon İcra Hakimiyyətinin başçısı Məhərrəm Quliyev çıxışında bildirdi ki,  Prezident cənab İlham Əliyevin çıxışlarında Qərbi Azərbaycan məsələsinin xüsusi yer tutur. Dövlət başçısı hər dəfə Qərbi Azərbaycanla bağlı fikirlərində tarixi ədalətin bərpası və azərbaycanlıların doğma yurdlarına dinc yolla qayıdış hüququnun təmin olunması baxımından mühüm siyasi mesajlar verir.Qərbi Azərbaycan İcması soydaşlarımızın hüquqlarını müdafiə edən leqal təmsilçi kimi onların öz yurd-yuvalarına qayıtmaları istiqamətində beynəlxalq miqyasda da uğurlu fəaliyyət göstərir.  Tədbirdə çıxış edən Qərbi Azərbaycan İcmasının Goranboy  rayonu üzrə Nümayəndəsi Ürfət Həsənov və icma üzvləri bildirdilər ki, dövlət başçısının nitqində “Bizim zəngin tariximiz əfsuslar olsun ki, Ermənistan tərəfindən, erməni diasporu tərəfindən uzun illər ərzində təhrif edilib və bu istiqamətdə bizə qarşı aparılan təbliğat bu gün də dayanmır. Ona görə bunun qabağına biz öz həqiqətlərimizi qoymalıyıq” fikirləri İcma üzvləri üçün həm məsuliyyət, həm də gələcəyə inam yaradır.