Goranboylular Həsrət Cəfərovu bu cür qarşıladılar
Paris Yay Olimpiya oyunlarında ölkəmizə bürünc medal qazandırmış həmyerlimiz Həsrət Cəfərov Goranboy rayonunda Uşaq Gənclər idman Şahmat məktəbinin, Rayon İcra Hakimiyyətinin, YAP Goranboy rayon təşkilatının, Goranboyy Gənclər və İdman sektorunun, eyni zamanda idman ictimaiyyətinin nümayəndələri tərəfindən böyük coşqu və sevinclə qarşılandı.
Mubarizciler.az xəbər verir ki, Qarşılanma mərasimində UGİŞM-nin direktoru E.Yusibov, Rayon İcra Hakimiyyətinin başçısının birinci müavini Seymur Nəzərov , Yap Goranboy rayon təşkilatının sədr müavini Cavid Mustafayev, Goranboy rayon Gənclər İdman sektorunun müdiri Cəfər Verdiyev, Həsrət Cəfərovun ilk məşqçisi Bayram Bayramov çıxış etdilər.
Qarşılanma mərasimindən sonra Həsrət Cəfərov yetirməsi olduğu UGİŞM-i ziyarət etdi, jurnalislərin suallarını cavablandırdı. Daha sonra Goranboy Olimpiya İdman kompleksində oldu.
İdmançımızı bir daha təbrik edir, növbəti medalın əyarının ancaq və ancaq qızıl olmasını arzulayırıq.
Xəbəri paylaş