Deputatlığa namizədliyi irəli sürülmüş Cavanşir Paşazadə Şəhid ailələrini ziyarət edib - Fotolar
Sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində Yeni Azərbaycan Partiyası (YAP) tərəfindən 76 saylı Lənkəran-Masallı seçki dairəsindən deputatlığa namizədliyi irəli sürülmüş Cavanşir Paşazadənin seçicilərlə görüşü davam edir.
Mubarizciler.az ın məlumatına görə, Deputatlığa namizəd rayonun Vilvan kəndində yaşayan şəhid ailələrini ziyarət edib.
Cavanşir Paşazadə ilk olaraq Vilvan kəndində yaşayan şəhid Səfərov Nahid Fikrət oğlunun ailəsi ilə görüşüb.Şəhidin evində keçirilən görüşdə şəhidimizin xatirəsi anılıb, onun müharibədəki igidlik və şücaətindən danışılıb.
Cavanşir Paşazadə Vətənimizin 44 günlük Vətən müharibəsində torpaqlarımızın işğaldan azad edilməsi uğrunda Nahid kimi yüzlərlə gəncin qəhrəmanlıqla döyüşdüyünü və adlarını tarixə qızıl hərflərlə yazdıqlarını söyləyib.
Daha sonra deputatlığa namizəd Vilvan kəndində şəhid məzarlarını ziyarət edib.
Xəbəri paylaş
0772703001 
