Elçin Kərimov Yevlaxda təmir olunan bir neçə məktəbdə olub - Fotolar
Avqustun 9-da Mərkəzi Aran Regional Təhsil İdarəsinin müdiri Elçin Kərimov Yevlax şəhər N.Nərimanov adına 9 nömrəli, Yevlax rayonu Qaraoğlan kənd P.Şikaroğlu adına tam orta, Nemətabad kənd H.M.Əhmədov adına tam orta və Yeni Çobankərə kənd ibtidai məktəblərində aparılan təmir-tikinti ilə yaxından tanış olub.
Bununla bağlı olaraq məktəb binalarında tikinti-quraşdırma və konstruksiya işlərinin başa çatdırılması ilə bağlı idarə müdirinə müvafiq məlumatlar verilib.
Qeyd edək ki, təmir işləri aparılan adıçəkilən ümumtəhsil məktəblərinin 2024-2025-ci tədris ilinin əvvəlindən istifadəyə verilməsi nəzərdə tutulur.
Mubarizciler.az ın məlumatına görə, yenidən tikilən Yevlax şəhər S.Vurğun adına 5 nömrəli tam orta məktəbdə, Ucar rayonu Qazyan kənd 2 nömrəli tam orta məktəbdə, Zərdab rayonu Bıçaqçı kənd tam orta məktəbdə, Kürdəmir rayonu Axtaçı kənd tam orta məktəbdə və eləcə də əsaslı təmir-bərpa olunan Mingəçevir şəhər İ.Kişiyev adına 17 nömrəli tam orta məktəbdə də təmir-tikinti işləri davam etdirilir.
Xəbəri paylaş