Xəbər lenti

Şəhid Kərimov Yaşar Ələkbər oğlu Neftçalada dəfn edilib - Fotolar

Tarix: 18-07-2024 20:43     Baxış: 392

Birinci Qarabağ müharibəsində itkin düşmüş və şəxsiyyəti müəyyənləşdirilən şəhid Kərimov Yaşar Ələkbər oğlu dünyaya gəldiyi Neftçala rayonunun Aşağı Qaramanlı kəndində dəfn olunub.

Mubarizciler.az xəbər verir ki, 18 iyul 2024-cü il tarixində Neftçala Rayon İcra Hakimiyyətinin təşkilatçılığı ilə şəhid Kərimov Yaşar Ələkbər oğlu ailəsinin yaşadığı Aşağı Qaramanlı kəndində vida mərasimi keçirilib.

Vida mərasimindən sonra şəhid Aşağı Qaramanlı kənd qəbiristanlığında Müdafiə Nazirliyinin təşkilatçılığı ilə yaylım atəşi və orkestrın ifasında Azərbaycan Respublikasının Dövlət Himninin sədaları altında torpağa tapşırılıb.

Dəfn mərasimində şəhidin ruhuna dualar oxunub, məzarına güllər düzülüb, əkil qoyulub. Onun tabutuna bükülmüş Azərbaycanın üçrəngli Bayrağı şəhidin oğlu Elmir Kərimova təqdim edilib.

Mərasimdə şəhidin ailə üzvləri ilə yanaşı Neftçala Rayon İcra Hakimiyyətinin başçısı Mirhəsən Seyidov, hüquq-mühafizə orqanlarının rəhbərləri, Müdafiə Nazirliyinin əməkdaşları, rayon ictimaiyyətinin nümayəndələri, şəhidin döyüş yoldaşları, rayon sakinləri, şəhid ailələri, qazilər, media nümayəndələri iştirak ediblər.

Qeyd edək ki, Yaşar  Kərimov 1967-ci ildə Neftçalada anadan olub. 1993-cü ilin iyul ayının 23-də Ağdam rayonu Şelli kəndi uğrunda gedən döyüşlərdə itkin düşüb.







Xəbəri paylaş








Çox oxunanlar




Son yüklənənlər


Axtarış

Reklam
İdman
Şou-biznes
Maraqlı
Təqvim

«    Sentyabr 2024    »
BeÇaÇCaCŞB
 1
2345678
9101112131415
16171819202122
23242526272829
30 
Bölgə
Fotosesiya
Çox oxunanlar