Fermerlərlə növbəti maarifləndirici görüş Goranboy rayon Düzqışlaq kəndində keçirilib - FOTO 0

Fermerlərlə növbəti maarifləndirici görüşümüz   Goranboy rayon Düzqışlaq kəndində olmuşdur. 

  Fermerlərə:

 -  Kənd təsərrüfatı məhsulları istehsalçılarına bu sahədə tətbiq edilən güzəştlərdən və subsidiyalardan istifadə edə bilmələri üçün müraciət etmək qaydası  , subsidiya müraciətinin formalaşması üçün hüquq müəyyənedici sənədlərin növləri və onların Elektron Kənd Təsərrüfatı İnformasiya Sisteminə   (EKTİS) işlənilmə qaydası;

-Kənd təsərrüfatı təyinatlı torpaqlardan səmərəli istifadə edilməsi, onların keyfiyyətinin yaxşılaşdırılması, torpaqların meliorativ cəhətdən yaxşılaşdırılması, münbitliyinin bərpası və mühafizəsi üçün görülməli olan tədbirlər;

-Aqrar sığorta haqqında ümumi məlumat , bitkiçilik və heyvandarlıq sahələri üzrə sığorta paketləri və müraciət qaydası;

- “Ərzaq məhsullarının dövlət sifarişi ilə satın alınması” elektron portalında qeydiyyat prosesi və istifadə qaydaları;

-Bitkiçilik və heyvandarlıq sahələrinin intensiv inkişafının təmin edilməsi üçün həyata keçirilən tədbirlər, yeni texnika və texnologiyaların, innovativ inkişaf üsullarının tətbiq edilməsi ;

-Suvarmada olan yeni texnologiyalar və məhdud su ehtiyatlarından səmərəli istifadə;

- Kənd təsərrüfatı məhsullarının istehsalı və emalı üzrə müəssisələrin yaradılması və yenidən qurulması barədə təkliflər , onların fəaliyyətinin dəstəklənməsi;

-Kənd təsərrüfatı məhsullarının istehsalçılarına və emalçılarına aqroservis, aqrokimyəvi, informasiya-məsləhət və digər xidmətlərin “vahid pəncərə”, operativlik, şəffaflıq, nəzakətlilik, məsuliyyət prinsipləri əsasında göstərilməsi;

- Fermerlərin  aqrar sahə ilə bağlı problemlərin həllində mərkəzi və yerli  icra hakimiyyəti orqanlarının struktur bölmələrinə müraciət etmək qaydası;

-Kənd təsərrüfatı istehsalçılarına dəstək məqsədi ilə yaradılmış fermerlər və koordinasiya şurasında aktiv iştirakın  vacibliyi haqqında məlumat verildi. 

Mubarizciler.az-ın məlumatına görə, Fermerlərin şikayət və təklifləri dinlənildi, Dövlət Aqrar İnkişaf Mərkəzinin səlahiyyətləri daxilində olan məsələlər cavablandırıldı, digər məsələlər barəsində ümumiləşdirilmiş formada adiyyatı orqanlara məlumat verildi.