Əli İbrahimov: Mirsaleh Seyidovun əsas tələblərindən biri vətəndaşı narahat edən problemlərə həssaslıqla yanaşılmasıdır 0

Ölkə Prezidenti cənab İlham Əliyevin dövlət qurumları tərəfindən vətəndaşların müraciətlərinə qayğı və həssaslıqla yanaşılması barədə tapşırıqlarına uyğun olaraq Ədliyyə Nazirinin müavini, Penitensiar xidmətin rəisi Mirsaleh Seyidov tərəfindən xüsusi diqqət yetirilir.

Son günlər cənab Nazir müavini Mirsaleh Seyidov tərəfindən görülmüş ciddi tədbirlər nəticəsində Penitensiar xidmətdə insanların hüquq və azadlıqlarının qorunması, bu sahədə qanunvericiliyə ciddi riayət edilməsi, vətəndaşa qayğı və diqqət göstərilməsi xeyli yaxşılaşıb. Cənab Nazir müavini Mirsaleh Seyidovun Penitensiar xidmətin struktur və digər tabe qurumlarının rəhbərləri qarşısında müəyyənləşdirdiyi ciddi tələblərdən biri də vətəndaşların qəbulu, onların ərizə və şikayətlərinə ciddiliklə diqqət yetirilməsi ilə bağlıdır. Bu məsələyə daim toxunan cənab Nazir müavini Mirsaleh Seyidovun əsas tələblərindən biri vətəndaşı narahat edən problemlərə həssaslıqla yanaşılmasıdır.

Bu gün əminliklə demək olar ki, Mirsaleh Seyidovun rəhbərliyi altında Penitensiar xidmətdə vətəndaş müraciətləri xüsusi əhəmiyyət kəsb edir. Müraciətlər cavabsız qalmır, vətəndaşların problemlərinin aradan qaldırılması üçün mütəmadi işlər görülməklə yanaşı onlar üçün rahat və əlverişli şərait yaradılmışdır.

Əli İbrahimov