Goranboy Rayon Mərkəzi Xəstəxanasında 27 Sentyabr – Anım Günü ilə əlaqədar tədbir keçirild Fotolar

Goranboy Rayon İcra Hakimiyyətinin dəstəyi, Goranboy Rayon Mərkəzi Xəstəxanası Publik Hüquqi Şəxsin təşkilatçılığı ilə 27 Sentyabr – Anım Günü ilə əlaqədar tədbir keçirildi.

Mubarizciler.az xəbər verir ki, Tədbir iştirakçıları əvvəlcə Şəhidlər Xatirə Kompleksini ziyarət edərək, Vətən müharibəsində canından keçən şəhidlərimizin əziz xatirəsini dərin ehtiramla yad etdilər, abidə önünə gül dəstələri qoydular.

Daha sonra Rayon Mərkəzi Xəstəxanasında davam etdirilən tədbirdə Vətən müharibəsində Azərbaycanın ərazi bütövlüyünün bərpası uğrunda canından keçən şəhidlərin əziz xatirəsi bir dəqiqəlik sükutla yad edildi.

Tədbirdə çıxış edənlər 27 Sentyabr – Anım Gününün xalqımızın yaddaşında xüsusi əhəmiyyət daşıdığını qeyd etdilər. Çıxışlarda Vətən müharibəsində qəhrəmanlıq göstərən şəhidlərimizin şərəfli döyüş yolundan, onların Vətən qarşısında göstərdikləri misilsiz xidmət və fədakarlıqdan bəhs olundu.

Bildirildi ki, şəhidlərimizin əziz xatirəsinin daim uca tutulması, onların həyat və döyüş yolunun gələcək nəsillərə çatdırılması hər birimizin mənəvi borcudur.