Goranboyda şahmat üzrə ölkə çempionatının seçmə yarışları keçirilir Fotolar

Azərbaycan Respublikası Gənclər və İdman Nazirliyinin  və Azərbaycan Şahmat Federasiyasının  birgə təşkilatçılığı, Elm və Təhsil Nazirliyinin  dəstəyi ilə 8, 10, 12 və 14 yaşadək oğlanlar və qızlar arasında şahmat üzrə ölkə çempionatının seçmə yarışları keçirilir.

Mubarizciler.az xəbər verir ki, seçmə yarışlarda Gəncə-Daşkəsən Regional Təhsil İdarəsinin tabeliyində fəaliyyət göstərən məktəbdənkənar təhsil təhsil müəssisələrinin şagirdləri fəal iştirak edirlər. 

Yarışlar region üzrə məktəblilərin intellektual potensialının üzə çıxarılması, istedadlı şahmatçıların aşkar edilməsi və onların ölkə çempionatının növbəti mərhələsinə hazırlanması məqsədi daşıyır. Yarışların əsas məqsədi şagirdlər arasında şahmat idman növünə marağın artırılması, məntiqi təfəkkürün, strateji düşünmə bacarıqlarının və qərarvermə qabiliyyətinin inkişaf etdirilməsi, eyni zamanda sağlam rəqabət mühitinin formalaşdırılmasıdır. Bununla yanaşı, məktəblilər arasında asudə vaxtın səmərəli təşkili və idmana cəlb olunmanın genişləndirilməsi də prioritet istiqamətlərdəndir. Müxtəlif yaş qruplarını əhatə edən seçmə yarışlar şagirdlərə öz bilik və bacarıqlarını nümayiş etdirmək, yarış təcrübəsi qazanmaq və yüksək nəticələr əldə etmək imkanı yaradır. Yarışlar beynəlxalq şahmat qaydalarına uyğun şəkildə  təşkil olunur və peşəkar hakimlər tərəfindən idarə edilir. Seçmə mərhələdə fərqlənən qaliblər ölkə çempionatının final mərhələsində iştirak etmək hüququ qazanacaq.

Qeyd edək ki, bu cür yarışların təşkili məktəblilər arasında intellektual idman növlərinin inkişafına, gənc nəslin hərtərəfli formalaşmasına və gələcək peşəkar şahmatçıların yetişdirilməsinə mühüm töhfə verir.