Gəncədə 2025-ci təqvim ilinin yekunlarına dair ümumi təhsil müəssisələrinin direktorları ilə görüş keçirilib Fotolar

Gəncə-Daşkəsən Regional Təhsil İdarəsinin təşkilatçılığı ilə 2025-ci təqvim ilinin yekunlarına həsr olunmuş geniş tərkibli görüş keçirilib.

Mubarizciler.az xəbər verir ki, görüşdə Gəncə-Daşkəsən RTİ-nin müdiri Elçin Kərimov, təhsil sektorlarının müdirləri, idarənin əməkdaşları və şagird sayı 300-dən çox olan ümumi təhsil müəssisələrinin direktorları iştirak ediblər.

 Təqdimatla çıxış edən idarə müdiri Elçin Kərimov 2025-ci il ərzində təhsil müəssisələrinin fəaliyyətinə dair əsas göstəricilər, statistik məlumatlar və əldə olunan nəticələr barədə ətraflı məlumat verib.

Görüşdə aşağıdakı istiqamətlər üzrə təhlillər təqdim olunub:

- IV və VI siniflər üzrə fənn aylıqlarının icra vəziyyəti;

- Müxtəlif səviyyəli dərsdinləmələrin təşkili və nəticələri;

- Respublika Fənn Olimpiadaları və BilBacar müsabiqəsində iştirak səviyyəsi;

- Ümumi təhsil müəssisələrinin qiymətləndirmə nəticələrinin təhlili;

- IV və VI siniflər üzrə monitorinq nəticələrinin ümumiləşdirilməsi;

- IX sinif buraxılış imtahanlarının nəticələrinin müqayisəli analizi;

Görüş qarşılıqlı fikir mübadiləsi və diskussiya şəklində davam edib, iştirakçılar tərəfindən səsləndirilən suallar cavablandırılıb, mövzu ilə bağlı təklif və rəylər dinlənilib