Goranboyda "28 May-Müstəqillik Günü" münasibəti ilə "Müstəqilliyimiz Əbədidir!" adlı görüş keçirildi - Fotolar

 24 may 2024-cü il tarixdə Gəncə-Daşkəsən Regional Gənclər və İdman İdarəsinin Goranboy rayonu üzrə gənclər və idman sektoru, Goranboy Rayon İcra Hakimiyyəti, Goranboy Gənclər Evi və Dini Qurumlarla İş üzrə Dövlət Komitəsinin Gəncə bölgəsi üzrə şöbəsinin birgə təşkilatçılığı ilə "28 May-Müstəqillik Günü" münasibəti ilə "Müstəqilliyimiz Əbədidir!" adlı gənclərlə görüş keçirildi.

Mubarizciler.az xəbər verir ki, Tədbir Ümummilli Lider Heydər Əliyev və vətən uğurunda canları fəda etmiş şəhidlərin əziz xatirəsi bir dəqiqəlik sükutla yad edildi.  

Çıxış edən natiqlər  Müsəlman Şərqinin ilk demokratik respublikası olan Azərbaycan Xalq Cümhuriyyətindən, xalqımızın qədim dövlətçilik ənənələrindən, müstəqilliyin qorunub saxlanmasının onu qazanmaqdan daha çətin olmağından, ikinci dəfə müstəqillik qazandıqdan sonra onun qorunub saxlanılması üçün görülən işlərdən söz açaraq, Ulu Öndər Heydər Əliyevin qətiyyətli siyasəti ilə möhkəmlənən və bu gün ölkə prezidenti cənab İlham Əliyev tərəfindən davam etdirilən düzgün siyasət sayəsində dünyada tanınan dövlətimizin müstəqilliyinin əbədi olduğuna inamlarını bildirdilər.

Goranboy Gənclər Evinin akt zalında təşkil edilmiş görüşdə 46 nəfər gənc iştirak etdi. Tədbirin sonunda gəncləri maraqlandıran suallar cavablandırıldı.