Samux rayonunda 2024-cü ilin məhsulu üçün 11691.8 hektar sahədə payızlıq taxıl səpini aparılmışdır 0
Ərzaq təhlükəsizliyinin təminatında strateji əhəmiyyəti olan taxılçılıq kənd təsərrüfatı sektorunun aparıcı sahələrindən biridir.
Aqrar elmin qarşısında duran əsas məsələ daha yüksək miqdarda məhsul istehsal etməklə əhalinin taxıl və taxıl məhsullarına olan tələbatının tam ödənilməsindən ibarətdir. Ona görə də taxılçılığın inkişafına diqqətin artırılması mühüm məsələ kimi qarşıya qoyulmuşdur.
Taxıl istehsalının artırılmasında məhsuldar, yerli iqlim şəraitinə və xəstəliklərə davamlı, yüksək reproduksiyalı taxıl toxumlarının istehsalı və səpin zamanı bu toxumlardan istifadə olunması böyük əhəmiyyət kəsb edir.
2024-cü ilin məhsulu üçün rayon üzrə 14913,8 hektar sahədə şum qaldırılmışdır. Dən və yaşıl yem üçün 11691,8 hektar sahədə payızlıq taxıl səpini aparılmışdır.
Payızlıq taxıl səpininin 5218,4 hektar və ya 44,6 faizi buğda, 5516,9 hektar və ya 47,2 faizi dən üçün arpa, 956,5 hektar və ya 8,2 faizi yaşıl yem məqsədi ilə əkilmişdir.
Samux Rayon Statistika İdarəsi.
Xəbəri paylaş
0772703001 
