"Bu yol Heydər yoludur" adlı inşa müsabiqəsinin qaliblərinin mükafatlandırma mərasimi keçirilib. 0
Gəncə-Daşkəsən Regional Təhsil İdarəsinin təşkilatçılığı ilə ulu öndər Heydər Əliyevin anadan olmasının 100 illiyinə həsr olunan "Bu yol Heydər yoludur" adlı inşa müsabiqəsinin qaliblərinin mükafatlandırma mərasimi keçirilib.
Mubarizciler.az xəbər verir ki, Tədbirdə Gəncə-Daşkəsən Regional Təhsil İdarəsinin müdiri Anar Qədiməliyev, idarənin və müəssisə rəhbərləri, məktəb direktorları, müəllim, valideyn və şagirdlər iştirak ediblər.
Tədbirdə şagirdlər müxtəlif musiqi nömrələri ilə çıxış edib, sonda inşa müsabiqəsində müvafiq yerlərə layiq görülən şagirdlər təltif olunublar.
Qeyd edək ki, region üzrə ümumillikdə, 237 nəfər şagird müsabiqəyə qatılmaq üçün müraciət edib. Müsabiqə komissiyasının üzvləri tərəfindən inşalar mövzu və meyarlara uyğun yoxlanılmış, inşaları uyğun hesab edilən 33 nəfər şagird müsabiqənin region mərhələsində iştirak etmək hüququ qazanmışdır. Region mərhələsində iştirak edən 33 nəfər şagirdin inşaları komissiya üzvləri tərəfindən yoxlanılmış və 10 nəfər şagird müsabiqənin qalibi hesab edilmişdir.
Xəbəri paylaş
0772703001 
