Gəncə şəhərində "100 Festivalı" çərçivəsində 1 İyun - Uşaqların Beynəlxalq Müdafiəsi gününə həsr olunmuş tədbir keçirilib - FOTO 0

Gəncə-Daşkəsən Regional Təhsil İdarəsinin təşkilatçılığı və Gəncə Şəhər İcra Hakimiyyətinin dəstəyi ilə "100 Festivalı" çərçivəsində 1 İyun - Uşaqların Beynəlxalq Müdafiəsi gününə həsr olunmuş tədbir keçirilib. 

Mubarizciler.az xəbər verir ki, Tədbirdə Gəncə Şəhər İcra Hakimiyyətinin başçısı Niyazi Bayramov, Gəncə-Daşkəsən Regional Təhsil İdarəsinin müdiri Anar Qədiməliyev, Yeni Azərbaycan Partiyası Gəncə şəhər təşkilatının sədri Bayram Aslanov, Türkiyənin Gəncədəki Baş konsulu Recep Öztop, idarə, müəssisə rəhbərləri və şəhər sakinləri iştirak ediblər.

Tədbirdə IV siniflərin komanda şəklində əyləncəli, intellektual “100” yarışı, 4-7 yaş qrupu uşaqların iştirakı ilə moda göstərişi, II-V sinif şagirdlərinin iştirakı ilə “Xan bağı xəzinə ovu” yarışı (ingilis dilində) keçirilib. Bütün iştirakçılara sertifikat təqdim olunub, qaliblər isə mükafatlandırılıblar. Qeyd edək ki, tədbirdə Faceart, Dj-in iştirakı ilə musiqili proqram, klon və nağıl qəhrəmanlarının uşaqlarla əyləncəsi həyata keçirilib. Tədbir konsert proqramı ilə davam edib. Konsert proqramında məktəbəqədər təhsil müəssisələri, ümumtəhsil məktəbləri və məktəbdənkənar təhsil müəssisələri tərəfindən çıxışlar həyata keçirib.