İcra başçısı şəhid və qazi övladlarını təbrik etdi - Fotolar 0
1 iyun-Uşaqların Beynəlxalq Müdafiəsi Günü münasibətilə Naftalanda şəhid və qazi övladları ilə görüş keçirilib.
Mubarizciler.az xəbər verir ki, görüşdə Naftalan Şəhər İcra Hakimiyyətinin başçısı Vüqar Novruzov, millət vəkili Anar Məmmədov, şəhid ailələri və qazilər, onların övladları iştirak ediblər.
İştirakçılar şəhid və qazi övladları ilə görüşərək bayram münasibətilə onları təbrik edib. İcra başçısı qeyd edib ki, Azərbaycanda uşaqların firəvan böyüməsi, onların hüquqlarının yüksək səviyyədə qorunmasına xidmət edən dövlət siyasətinin əsası ümummilli lider Heydər Əliyev tərəfindən qoyulub. Bu gün tam əminliklə deyə bilərik ki, Azərbaycan uşaqları dövlətin və cəmiyyətin qayğısı ilə tam əhatə olunub.
ŞİH başçısı tərəfindən uşaqlara velosiped, həmçinin qoruyucu vasitələr hədiyyə olunub.
Xatırladaq ki, məhz Naftalanda respublikada ilk olaraq 7 km uzunluğunda veloyol 2021-ci ildə istifadəyə verilib.
Həmçinin deputat tərəfindən də uşaqlara bayram hədiyyələri təqdim edilib.
Xəbəri paylaş
0772703001 
