Samux rayonunda “Şəxsiyyət və zaman” adlı tədbir keçirilib - FOTO 0

Samux rayon N.Gəncəvi adına Sərkar kənd tam orta məktəbdə Uşaq Gənclər İnkişaf Mərkəzi və Uşaq Gəncləri İdman Şahmat Məktəbinin birgə təşkilatçılığı ilə “Şəxsiyyət və zaman” adlı tədbir keçirilib.

Mubarizciler.az xəbər verir ki, Tədbirdə Gəncə-Daşkəsən Regional Təhsil İdarəsinin müdiri Anar Qədiməliyev, Samux Rayonu İcra Hakimiyyəti başçısı Aparatının məsul şəxsləri , Samux rayonu üzrə təhsil sektorunun müdiri və əməkdaşları, müxtəlif dövlət orqanlarının nümayəndələri, məktəbəqədər və ümumi təhsil müəssisələrinin rəhbərləri, eləcə də müəllim və valideynlər iştirak ediblər. 

Əvvəlcə N.Gəncəvi adına Sərkar kənd tam orta məktəbin torpaqlarımızın azadlığı uğrunda canlarından keçən şəhid məzunlarının xatirəsinə ucaldılmış abidənin önünə gül dəstələri düzülərək, şəhidlərin xatirəsi yad edilib.

Daha sonra  qonaqlar Samux rayon UGİŞM-nin nəzdində fəaliyyət göstərən şahmat, cüdo və stolüstü tennis dərnəklərinin üzvlərinin Ümummilli Liderin 100 illik yubileyinə həsr edilmiş rayon birinciliyinin açılış mərasimində  iştirak ediblər.  

Turnirin açılışından sonra UGİM-nin dərnək üzvlərinin ulu öndər Heydər Əliyevin 100 illiyi ilə bağlı hazırladıqları ədəbi-bədii kompozisiya izlənilib.