Məmməd Hüseynovun fəaliyyətində diqqət çəkən əsas məqamlardan biri də vətəndaşlarla açıq və birbaşa ünsiyyətə xüsusi önəm verməsidir

Goranboy Rayon Polis Şöbəsinin rəisi, polis polkovniki Məmməd Hüseynovun  rəhbərliyi dövründə rayonda ictimai asayişin qorunması, cinayətkarlıqla mübarizə və polis–vətəndaş münasibətlərinin möhkəmləndirilməsi istiqamətində ardıcıl və sistemli tədbirlər həyata keçirilir.

Peşəkar idarəçilik prinsiplərinə əsaslanan fəaliyyəti ilə seçilən Məmməd Hüseynov hüquq-mühafizə orqanlarının qarşısında duran əsas vəzifələrə qanunun aliliyinin təmin edilməsi, vətəndaşların təhlükəsizliyinin qorunması və ictimai etimadın artırılmasına  xüsusi önəm verir. Onun rəhbərliyi altında Goranboy Rayon Polis Şöbəsində xidmətin təşkili müasir tələblərə uyğun qurulub, operativlik və şəffaflıq əsas fəaliyyət meyarları kimi müəyyən edilib. Rayonda cinayət hadisələrinin qarşısının alınması, xüsusilə narkotik vasitələrin qanunsuz dövriyyəsi, oğurluq və digər ictimai təhlükəli əməllərə qarşı aparılan qətiyyətli mübarizə tədbirləri müsbət nəticələr verməkdədir. Profilaktik tədbirlərin gücləndirilməsi isə hüquq pozuntularının azalmasına əhəmiyyətli təsir göstərir. Məmməd Hüseynovun fəaliyyətində diqqət çəkən əsas məqamlardan biri də vətəndaşlarla açıq və birbaşa ünsiyyətə xüsusi önəm verməsidir. Rayon sakinlərinin müraciətlərinə operativ baxılması, problemlərin yerində araşdırılması və qanunvericilik çərçivəsində həlli polis–vətəndaş münasibətlərində qarşılıqlı etimadı daha da gücləndirir. Bununla yanaşı, Goranboy Rayon Polis Şöbəsinin şəxsi heyətinin peşəkarlığının artırılması, nizam-intizamın möhkəmləndirilməsi və xidmətə məsuliyyətli yanaşmanın təşviqi Məmməd Hüseynovun rəhbərlik fəaliyyətinin əsas istiqamətlərindəndir. Bu yanaşma rayonda ictimai sabitliyin və təhlükəsizliyin etibarlı şəkildə qorunmasına mühüm töhfə verir. Ümumilikdə, polis polkovniki Məmməd Hüseynovun rəhbərliyi Goranboy  rayonunda hüquq-mühafizə sisteminin effektiv fəaliyyətinin təmin olunmasına, cəmiyyətin təhlükəsizliyinin və hüquqi sabitliyin möhkəmləndirilməsinə xidmət edir.

Hörmətli Məmməd Hüseynova məsul və şərəfli xidmət yolunda möhkəm cansağlığı, peşə fəaliyyətində uğurlar, dövlətimizə və xalqımıza xidmətində davamlı nailiyyətlər arzulayıram.

Hörmətlə, 

Elçin Məhəmməd oğlu Tağıyev

İctimai-siyasi fəal, Mubarizciler.az xəbər portalının baş redaktoru.