Goranboy–Naftalan rayonları üzrə təhsil sektorunun təşkilatçılığı ilə təlim təşkil edilib Fotolar

Goranboy–Naftalan rayonları üzrə təhsil sektorunun təşkilatçılığı ilə məktəbəqədər təhsil müəssisələrinin rəhbərləri üçün peşəkar inkişaf məqsədli təlim təşkil olunub.

 Mubarizciler.az xəbər verir ki, təhsil sektorunun inzibati binasında keçirilən təlimdə “Məktəbəqədər təhsil müəssisəsi üzrə sənədləşmələrin aparılması” mövzusu üzrə iştirakçılara nəzəri və praktik biliklər təqdim edilib.

Təlim çərçivəsində sənədlərin hazırlanması zamanı əsas tələblər, kargüzarlıq haqqında təlimatın müddəaları, eləcə də elektron sistemlərin idarə olunması məsələləri ətraflı izah olunub. Təlim müzakirə yönümlü və interaktiv formada təşkil edilərək iştirakçıların fəal iştirakı təmin olunub. Təlimin gedişində mövzu ilə bağlı yaranan suallar müzakirə edilib, iştirakçıların rəy və təklifləri dinlənilərək ətraflı cavablandırılıb, qarşılıqlı fikir mübadiləsi aparılıb.

Təlimin əsas məqsədi məktəbəqədər təhsil müəssisələrinin rəhbərlərinin idarəetmə və planlaşdırma bacarıqlarının artırılması, eyni zamanda rəhbərlər arasında təcrübə mübadiləsinin gücləndirilməsindən ibarət olub.