Devin Film MMC-dən açıqlama Fotolar Video

Tarix: 14-09-2025 12:49 Baxış: 161

12 sentyabr 2025-ci il tarixində, axşam saatlarında TikTok sosial şəbəkəsində
“yeni _guneshli _evleri adlı səhifədə gizli çəkilmiş bir video yayılıb. Sözügedən görüntülərin “Devin Film” MMC-nin ofisinin koridorlarında lentə alındığı və çəkilişi edən şəxsin sonradan kimliyi müəyyən edilən Orxan Qulamlı olduğu bildirilib.

Şirkət açıqlamasında həmin videonun dezinformasiya xarakteri daşıdığını vurğulayır. Videoda üzünü gizlədən Orxan Qulamlı guya “anket doldurmaq üçün 20 manat tələb edildiyini” iddia edib.

Halbuki, şirkətin məlumatına görə: Orxan Qulamlı heç bir anket doldurmamışdır;
20 manat ödəniş yalnız “qeydiyyat va inzibati xidmət haqqıdır va rəsmi qəbz əsasında
rəsmiləşdirilir;

Bu ödənişə sənədlərin qəbulu, qeydiyyat, ilkin emal işləri, məlumat bazasına daxil
edilmə, məsləhət və istiqamatləndirmə xidmətləri daxildir.

Şirkət hesab edir ki, ödənişi “dələduzluq” kimi təqdim etmak hüquqi və vicdani baxımdan əsassızdır.

Yalan və böhtanla kütləvi təhqirə təşviq
Orxan Qulamlı, ictimai rəydə “Devin Film” MMC haqqında mənfi rəy formalaşdırmaq üçün yanlış məlumat yaymış, əsassız və sübutsuz iddialar irəli sürmüşdür.

Bundan əlavə, şirkətin xanım əmakdaşları barəda nalayiq ifadələr işlədərak va təhqiramiz rəylar yazaraq, kütləvi şəkildə təhqiramiz münasibatə təşviq etmişdir.

QƏRƏZLİ İDDİALAR VƏ ŞÜBHƏLİ DAVRANIŞLAR

“Devin Film”in açıqlamasında Orxan Qulamlı ilə WhatsApp yazışmaları da diqqətə çatdırılıb.

Yazışmalarda onun qeyri-müəyyən cavablar verdiyi, qeydiyyatdan keçmədiyini təsdiqləyə
bilmədiyi, birdən-birə “tanışından 800 manat alındığını” iddia etdiyi qeyd olunur.

Şirkət bildirir ki, əgər bu iddia həqiqətə uyğun olsaydı, o, hüquq-mühafizə orqanlarına müraciat etməli idi.

HÜQUQİ QİYMƏTLƏNDİRMƏ

“Devin Film” MMC-nin açıqlamasında Orxan Qulamlı adlı şəxsin hərəkətlərində Azərbaycan Respublikası Cinayət Məcəlləsinin aşağıdakı maddələrinin əlamətləri olduğu qeyd edilib:

Maddə 147 – Böhtan: Yalan məlumatlarla işgüzar nüfuzu ləkələmək;

Maddə 148 – Təhqir: Sosial şəbəkələrdə təhqiramiz ifadələr işlətmək.

Bundan əlavə, araşdırmalar zamanı Orxan Qulamlıya məxsus əlaqə nömrələrinin müxtəlif elan saytlarında maklerlik fəaliyyəti ilə bağlı yayımlandığı, həmçinin “Instagram”da fəaliyyət göstərən”caspian_ ship_tours” adlı səhifə ilə əlaqəli olduğu aşkar edilib.

“Həmin səhifənin idarəçiləri – Orxan Qulamlının dostları Nəbi Məlikov və Sərdar adlı şəxslərin mütəşəkkil dəstənin üzvləri olduğu müəyyən edilib.

5 MİN MANATLIQ ŞANTAJ CƏHDİ

Şirkət nümayəndələrinin açıqlamasına görə, Orxan Qulamlı videonu silməkdan imtina edib və yalnız 5 min manat pul müqabilində silə biləcəyini bildirib.

Bu hal Azərbaycan Respublikası Cinayət Məcəlləsinin 182-ci maddəsi üzrə – şantaj əməlinin tərkib hissəsi kimi dəyərləndirilir.

Hadisə ilə bağlı “Devin Film” MMC tərəfindən dərhal Daxili İşlər Nazirliyinin “102” qaynar
xəttinə müraciət olunub va rəsmi şikayət qeydə alınıb.

ŞİRKƏTİN MÖVQEYİ

Azərbaycan ilə Türkiyə arasındakı uzunmüddətli dostluq və qardaşlıq münasibətləri kino sahəsində də öz nəticələrini göstərir. Ortaq mədəni dəyərlar və tarixi əlaqalər iki ölkə arasında təcrübə mübadiləsinə, rejissorlar, ssenaristlər və aktyorlar arasında əməkdaşlığa şərait yaradır.

Bu isə mədəni əlaqələrin möhkəmlənməsi və kino sənayesinin inkişafına xidmət edir.

Devin Film MMC xüsusi aktyorluq təlimləri və inkişaf kursları təşkil edir. Təlimlər yüksək ixtisaslı müəllimlər tərəfindən aparılır və iştirakçılar nəzəri-praktiki biliklərlə təmin olunur. Təlimləri uğurla bitirənlər sertifikatlandırılır və film, serial layihələrində çəkilmək imkanı qazanırlar.

Bu, həm gənclərin inkişafına həm də kino sənayesinin yeni simalarla zənginləşməsinə xidmət edir. Hazırda ATV telekanalında yayımlanan və böyük maraq doğuran “Dar Küçələr” serialı bunun nümunəsidir.

Şirkət hesab edir ki, uğurlarını həzm edə bilməyən bəzi şəxslər qərəzli kampaniyalarla ictimai rəyi çaşdırmağa çalışırlar:

“Bizi narahat edən videonun mövcudluğu deyil, işgüzar nüfuzumuza qəsd etmək niyyəti daşıyan bu cəhdlərdir. Lazımi hüquqi addımlar atılıb və tezliklə məsələ ilə bağlı bütün faktlar üzə çıxacaq.”

Devin Film MMC-nin hüquqşünası Xəyal Məmmədov