Xalq artisti Nəsibə Zeynalovanın anadan olmasının 118 ili tamam olur
Bu gün Xalq artisti Nəsibə Zeynalovanın anadan olmasının 118 ili tamam olur.
Mubarizciler.az xəbər verir ki, Nəsibə Zeynalova 1916-cı il aprelin 20-də Bakıda anadan olub.
O, Bakı Teatr Məktəbində aktyorluq təhsili alıb, Azərbaycan Dövlət Musiqili Komediya Teatrında çalışıb. Aktrisa tamaşalarda Gülpəri, Cahan xala, Sənəm (“Ər və arvad”, “Arşın mal alan”, “Məşədi İbad”) kimi obrazlarda çıxış edib. Tərcümə əsərlərindən Kabato və Barbale (“Keto və Kote”), Ziraldina (“İki ağanın bir nökəri”), Zivər xanım (“Məhəbbət gülü”), Qesiya (“Tiflis nəğməsi”), Gülbadam (“Qız anası”) rollarını ifa edib. Kino obrazları içərisində Fatmanisə (“Ögey ana”), Telli (“Böyük dayaq”), Züleyxa (“Ulduz”), Cənnət xala (“Qayınana”), Gülsüm (“Molla Fətəlinin sərgüzəşti”), Əsli xala (“Bəyin oğurlanması”) rolları ona şöhrət qazandırıb. Bədii filmlərdə yaratdığı bir sıra obrazlar “Azərbaycanfilm” kinostudiyasının qızıl fonduna daxil edilib.
Xalq artisti 2004-cü ildə vəfat edib.
Xəbəri paylaş
0772703001 
