Müəllimlər cəmiyyətin memarlarıdır desək, yəqin ki, səhv etmərik 0

Müəllimlər cəmiyyətin memarlarıdır desək, yəqin ki, səhv etmərik. 

Bu danılmaz bir həqiqətdir ki, hər kəsin layiqli vətəndaş kimi formalaşmasında müəllimlərimizin əvəzsiz xidmətləri vardır.

Əsl müəllim orta və ya ali məktəblərdə təkcə bilik vermir, o, həm də müdrik şəxsiyyətlərin dediyi kimi, cəmiyyətin ruhunu tərbiyə edir. Bu nöqteyi-nəzərdən düşünürəm ki, Niyaməddin Hacıyev müəllim  sözün həqiqi mənasında öz peşəsini sevən, sevdirən və yaşadığımız zamanın ruhunu cilalayan ustaddır. Niyaməddin müəllimin adı gələndə vaxtilə onun tələbəsi olmuş tarixçilərin çoxunun üz - gözündə xoş ifadələr yaranır. Hər biri “Niyaməddin  müəllim həm də mənim dostumdur” deyib haqqında bir-birindən maraqlı xatirələr danışır. Əgər dostluğun yüz şərti varsa, bizim Niyaməddin müəllim onun bütün şərtlərinə əməl edən ən yaxşı DOSTDUR.Müəllimlik dünyada ən çətin, eyni zamanda, ən şərəfli və ən gözəl peşədir. Hər birimizin layiqli vətəndaş kimi yetişməyimizdə müəllimlərimizin əvəzsiz xidmətləri olmuşdur. Müəllim əməyinin nəticəsində savadlı, bilikli, geniş dünyagörüşlü, nümunəvi əxlaqa malik insanlar yetişir. Müəllim yeni cəmiyyət quruculuğunun və gənc nəslin mənəvi aləminin memarı, cəmiyyətin etibar etdiyi şəxsdir. Çox hörmətli müəllim sizi doğum günü münasibətilə səmimi qəlbdən təbrik edir uzun ömür can sağlığı arzulayıram. Niyaməddin müəllimin şəxsiyyətinə böyük hörmət və ehtiramla....

Gəlin, alqış deyək, dostlar, ürəkdən.

Əsl müəllim tək yaşayanlara

Şeirimlə gül dəstə bağlayıram mən

Bu adı şərəflə daşıyanlara.