Beyləqanda maarifləndirmə tədbirləri davam etdirilir - Fotolar
Beyləqan Rayon Polis Şöbəsinin təşkilatçılığı ilə rayonun Gənclər Evində şagirdlərin iştirakı ilə narkomaniya əleyhinə maarifləndirici tədbir keçirilib.
Mubarizciler.az xəbər verir ki, yədbirdə çıxış edən RPŞ-nin rəisi, polis polkovniki Ceyhun Qurbanov narkotik vasitələrin insan sağlamlığına və cəmiyyətə vurduğu ağır fəsadlardan danışaraq məktəbliləri bu kimi təhlükəli hallardan uzaq olmağa çağırıb. Bildirilib ki, sağlam düşüncə və düzgün seçim hər bir gəncin həyatında mühüm rol oynayır.
Görüş zamanı iştirakçılara digər zərərli vərdişlərin yaratdığı mənfi nəticələr, təhlükəli mühitlərdən qorunma yolları və sağlam həyat tərzinin üstünlükləri barədə məlumatlar verilib. Eyni zamanda internetdə törədilən dələduzluq halları, saxta linklər və şəxsi məlumatların qorunması ilə bağlı vacib tövsiyələr diqqətə çatdırılıb.
Tədbirin sonunda iştirakçıları maraqlandıran suallar cavablandırılıb və mövzuya dair maarifləndirici videoçarx nümayiş etdirilib.
Xəbəri paylaş
0772703001 
