Daşkəsənin İcra başçısı səyyar qəbul keçirdib Fotolar + Yenilənib

Mayın 5-də Daşkəsən Rayon İcra Hakimiyyətinin başçısı Orxan Abbasovun Yuxarı Daşkəsən qəsəbəsində keçirdiyi vətəndaşların səyyar qəbulunda rayonun idarə, müəssisə, xidmət sahələrinin rəhbərləri, ərazi icra nümayəndəsi, bələdiyyə sədri və sakinlər iştirak ediblər.

Mubarizciler.az xəbər verir ki, İcra başçısı Orxan Abbasov giriş nitqində Prezident cənab İlham Əliyevin əhalinin sosial rifahının yaxşılaşdırılması istiqamətində həyata keçirdiyi davamlı tədbirlər, respublikamızın, o cümlədən Daşkəsən rayonunun sosial-iqtisadi və mədəni inkişafı, problemlərin həlli sahəsində atılan addımlar barədə məlumat verib. Həmçinin Yuxarı Daşkəsən qəsəbəsində ötən dövrlərdə görülmüş işlərdən və qarşıda duran vəzifələrdən söz açıb.

Sonra sakinlərin müraciət və təklifləri dinlənilib.İcra başçısı Orxan Abbasov sakinlərin qaldırdıqları məsələlərin icrası ilə əlaqədar aidiyyəti üzrə tapşırıq və tövsiyələrini verib. Müraciətlərin bir qismi yerində həll edilib. Əlavə araşdırma tələb edən məsələlər isə nəzarət qaydasında qeydiyyata alınıb. Qəbulda iştirak edən Yuxarı Daşkəsən qəsəbə sakinləri onlara hər zaman göstərilən diqqət və qayğıya görə Prezident cənab İlham Əliyevə və Birinci vitse-prezident hörmətli Mehriban xanım Əliyevaya minnətdarlıqlarını bildiriblər. Qəbuldan sonra icra başçısı Orxan Abbasov Yuxarı Daşkəsən qəsəbə Z. Bağırov adına tam orta ümumtəhsil məktəbində dərs prosesi ilə maraqlanıb.